Lines Space 20

ຄວາມງາມທີ່ບໍ່ຮຽກຮ້ອງຄວາມສົມບູນແບບ, A House Project

Lines online
column; 3rd place (ສະ) ຖານທີ່ເຮັດໃຫ້ຮັກ
ເລື່ອງໂດຍ : lil_book

ແນວຄວາມຄິດ ທີ່ຫລົງໄຫລໃນຄວາມງາມຂອງວັດສະດຸຕ່າງໆ ທີ່ຜ່ານກາລະເວລາ, ແນວທາງການຕົກແຕ່ງທີ່ເຊື່ອມຕໍ່ຂອງຊ່ວງເວລາຈາກອະດີດເຖິງປັດຈຸບັນ

ທາງເຂົ້າຮ້ານ ທີ່ບໍ່ໄດ້ໂດດເດັ່ນສະດຸດຕາ ແຕ່ຮູ້ສຶກໄດ້ເຖິງການຕ້ອນຮັບທີ່ອົບອຸ່ນ ທີ່ຖ້າຢູ່ທາງໃນຮ້ານ

ທາງເຂົ້າຮ້ານ ທີ່ບໍ່ໄດ້ໂດດເດັ່ນສະດຸດຕາ ແຕ່ຮູ້ສຶກໄດ້ເຖິງການຕ້ອນຮັບທີ່ອົບອຸ່ນ ທີ່ຖ້າຢູ່ທາງໃນຮ້ານ

 

ການຕົກແຕ່ງພື້ນທີ່ ໃນຮູບແບບ Rustic ຫລືຖ້າຈະໃຫ້ນິຍາມຕາມ7 ຕາມຄວາມເຂົ້າໃຈໃນພາສາລາວ ກໍ່ສາມາດເວົ້າໄດ້ວ່າ: ຮູບແບບຂອງຄວາມງາມ ຜ່ານກາລະເວລາທີ່ຍາວນານ. ການຕົກແຕ່ງຮູບແບບນີ້ ເປັນຮູບແບບທີ່ພວມເປັນທີ່ນິຍົມໃນແວດວົງການຕົກແຕ່ງພາຍໃນ ໃນຂົງເຂດອາຊີເຮົາ ໂດຍສະເພາະແມ່ນ ຮ້ານອາຫານ ແລະຮ້ານກາເຟ. ກ່ອນໜ້າທີ່ຮູບແບບ Rustic ຈະເລີ່ມມີ ເຮົາມັກພົບເຫັນຮ້ານ ທີ່ຕົກແຕ່ງ Style Vintage ທີ່ນຳໃຊ້ວັດສະດຸເກົ່າໆ ເຄື່ອງເຮືອນເກົ່າໆ ຫລືເຮັດໃຫ້ເປັນຄືຂອງເກົ່າ ໂດຍເນັ້ນໄປທີ່ວັດສະດຸໄມ້ເປັນສ່ວນໃຫຍ່ ແລະຮູບແບບທີ່ໄດ້ຮັບຄວາມນິຍົມບໍ່ນ້ອຍໜ້າກັນອີກຮູບແບບໜຶ່ງແມ່ນ Style Loft ເຊິ່ງຍັງຖືວ່າເປັນທີ່ນິຍົມກັນຢູ່ໃນປັດຈຸບັນ ແລະວັດສະດຸທີ່ໃຊ້ກໍ່ຈະແມ່ນ ເຫລັກ, ດິນຈີ່, ປູນເປືອຍ, ເປັນຮູບແບບທີ່ເຜີຍໃຫ້ເຫັນຄວາມດິບຂອງວັດສະດຸ. ກ່າວມາຮອດຕອນນີ້ ທ່ານຜູ່ອ່ານ ອາດຈະເລີ່ມຮັບຮູ້ໄດ້ແລ້ວວ່າ ເຮົາຕ້ອງການເວົ້າຫຍັງ ແມ່ນລະ Modern Rustic Style ແມ່ນການພົບກັນລະຫວ່າງ ຮູບແບບ Vintage ແລະຮູບແບບ Loft. Lines Space ສະບັບທີ 3 ນີ້ ຂໍນຳສະເໜີ ການຕົກແຕ່ງພື້ນທີ່ ທີ່ມີການຈັບເອົາອົງປະກອບທີ່ຜ່ານກາລະເວລາທີ່ຍາວນານ ມາຢູ່ໃນຮູບແບບການນຳໃຊ້ທີ່ທັນສະໄໝ ຄືຮ້ານ A House ຫລື A+ Café.

ດອກໄຟ ທີ່ມີໂຕໂຄມສີດຳວັດສະດຸເຫລັກແບບໂມເດີ້ນ ສາມາດຫລຸດຜ່ອນຄວາມຫຍາບຂອງ ຮູບແບບ Rustic ໄດ້ເປັນຢ່າງດີ

ດອກໄຟ ທີ່ມີໂຕໂຄມສີດຳວັດສະດຸເຫລັກແບບໂມເດີ້ນ ສາມາດຫລຸດຜ່ອນຄວາມຫຍາບຂອງ ຮູບແບບ Rustic ໄດ້ເປັນຢ່າງດີ

A House ແມ່ນຜ່ານການປັບປຸງຈາກເຮືອນໄມ້ຊູພື້ນເກົ່າໆ ໃຫ້ກາຍມາເປັນຮ້ານອາຫານ ສີຂາວ ທີ່ມີຄວາມສວຍງາມທີ່ບໍ່ສົມບູນແບບ. ຄວາມບໍ່ສົມບູນແບບໃນທີ່ນີ້ໝາຍເຖີງ ຄວາມເປັນເນື້ອແທ້ຂອງທຳມະຊາດ. ການນຳໃຊ້ຝາເຮືອນທີ່ເປັນໄມ້ ທີ່ຜ່ານການໃຊ້ງານມາແລ້ວຫລາຍປີ ມາເຮັດເປັນຊຸດ ໂຕະ ຕັ່ງ ເຊິ່ງໄມ້ເກົ່າເຫລົ່ານີ້ຈະບໍ່ໄດ້ຜ່ານການຂັດ,ເລື່ອຍ ຫລືກົບ ແຕ່ຈະເນັ້ນໃຫ້ເຫັນຄວາມເກົ່າ, ຄວາມບໍ່ລະອຽດ, ຄວາມຫຍາບຂອງພື້ນຜິວ ເຊິ່ງສິ່ງຕ່າງໆເຫລົ່ານີ້ ສ້າງສະເໜ່ອີກຮູບແບບໜຶ່ງຂຶ້ນມາ ພ້ອມກັນນັ້ນເຮົາຈະໄດ້ສຳຜັດກິ່ນອາຍຂອງຄວາມອົບອຸ່ນຂອງວັດສະດຸຕ່າງໆເຫລົ່ານັ້ນໄດ້ອີກດ້ວຍ.

 

ນອກຈາກ ຊຸດເຟີນີເຈີທີ່ເຮັດຈາກໄມ້ເກົ່າແລ້ວ, ສ່ວນທີ່ເປັນຫລັງຄາສີຂາວ ທີ່ເຜີຍໃຫ້ເຫັນໂຄງສ້າງໄມ້ ແລະວັດສະດຸມຸງດ້ວຍສັງກະສີ ເນັ້ນໃຫ້ເຫັນເຖິງຄວາມລຽບງ່າຍຂອງການປຸກສ້າງ ແຕ່ພັດສະທ້ອນຄວາມງາມອອກມາໄດ້ຢ່າງມີ Style.

ດ້ວຍລາຍລະອຽດຕ່າງໆທີ່ອັດແຫນ້ນ ຈົນເຮັດໃຫ້ເຮືອນສີຂາວຫລັງນີ້ ມີເລື່ອງເລົ່າຜ່ານທຸກໆຈຸດສາຍຕາທີ່ແນມ

ດ້ວຍລາຍລະອຽດຕ່າງໆທີ່ອັດແຫນ້ນ ຈົນເຮັດໃຫ້ເຮືອນສີຂາວຫລັງນີ້ ມີເລື່ອງເລົ່າຜ່ານທຸກໆຈຸດສາຍຕາທີ່ແນມ

ຈາກການວາງແຜນຜັງຂອງ A House ຈະເຫັນໄດ້ວ່າ ມີພື້ນທີ່ຮັບປະທານອາຫານທີ່ເປັນສ່ວນ Out Door, ລານໄມ້ທີ່ຍື່ນອອກໄປຮັບເອົາທັດສະນີຍະພາບຂອງຮ່ອງແຊງ ແລະຊຸດໂຕະ ຕັ່ງທີ່ຈັດວາງໄວ້ ໃຫ້ສູ້ກັບ ຄວາມຮ້ອນຈາກແສງແດດບ້ານເຮົາ, ກັບລົມຝົນທີ່ຕົກລົງມາບໍ່ຄ່ອຍຈະຖືກຕາມລະດູການ ເຮັດໃຫ້ ເຟີນີເຈີ້ເຫລົ່ານີ້ ປ່ຽນສະພາບໄປ ຫລືແມ່ນຄົນເຮົານີ້ແຫລະເລືອກທີ່ຈະປ່ອຍໃຫ້ມັນເປັນໄປຕາມນັ້ນ ໂດຍບໍ່ຕ້ອງມີການເຂົ້າໄປສ້ອມແປງເພື່ອໃຫ້ມັນຄົງສະພາບເກົ່າ ເພາະວ່າຮ່ອງຮອຍ ແລະຄວາມດິບທີ່ເກີດຂຶ້ນເທີງວັດສະດຸທຳມະຊາດເຫລົ່ານັ້ນຖືເປັນອົງປະກອບທີ່ເຮັດໃຫ້ການຕົກແຕ່ງແບບ Rustic Style ມີຄວາມໝາຍ ມີເລື່ອງລາວ ແລະມີມົນສະເໜ່ທີ່ຫາບໍ່ໄດ້ຈາກຮູບແບບອື່ນໆ.

 

ຈາກອົງປະກອບຫລັກ ເຊັ່ນ: ໂຕະ; ຕັ່ງ; ພື້ນ ແລະຫລັງຄາຂອງໂຕຮ້ານທີ່ບົ່ງບອກຄວາມເປັນ ຮູບແບບເກົ່າແກ່ຕາມທຳມະຊາດແລ້ວ, A House ຍັງສ້າງສັນສິ່ງຕົກແຕ່ງທີ່ໜ້າສົນໃຈ ໂດຍການນຳເອົາວັດສະດຸຈາກທຳມະຊາດມາປະຍຸກໃຫ້ເກີດການນຳໃຊ້ໃນຮູບແບບໃໝ່ ຄື ໂຄມໄຟງ່າໄມ້ແຫ້ງ 3 ຊຸ້ມ ທີ່ຫ້ອຍຈາກຫລັງຄາລົງມາຕ້ອນຮັບໃນພື້ນທີ່ສ່ວນກາງຂອງຮ້ານ. Display ພື້ນທີ່ຕ້ອນຮັບທີ່ປ່ຽນໄປແຕ່ລະມື້ເພື່ອບໍ່ໃຫ້ເກີດຄວາມໜ້າເບື່ອ ໂດຍການນຳເອົາສິ່ງຂອງເກົ່າໆ ເຊັ່ນ ລັງໄມ້, ຂອນໄມ້, ກະຕ່າດອກໄມ້, ປ້າຍ ແລະອື່ນໆ ມາຈັດວາງໃນຕຳແໜ່ງໃໝ່ ກໍ່ໃຫ້ເກີດເປັນມຸມມອງໃໝ່ ແລະຄວາມຮູ້ສຶກທີ່ແຕກຕ່າງໂດຍທີ່ບໍ່ຕ້ອງສິ້ນເປື້ອງຊື້ຂອງຕົກແຕ່ງເພີ່ມ.

Lines Space 27

 

ແນວຄວາມຄິດທີ່ຕ້ອງການຄວາມເປັນທຳມະຊາດ ແບບ Rustic ຍັງຖືກນຳມາໃຊ້ໃນການເລືອກໃຊ້ສີໃນການຕົກແຕ່ງ. A House ຖືກຄຸມໂທນ ໃຫ້ຢູ່ໃນໝວດໝູ່ສີ ທຳມະຊາດ ຫລືທີ່ເອີ້ນວ່າ Earth Tone, ຄືສີ ນຳ້ຕານ ຂາວ ດຳ ແລະມີຂຽວແຊມຕາມທຳມະຊາດ. ຄວາມງາມອີກຢ່າງໜຶ່ງທີ່ສອດແຊກເຂົ້າມາໃນການຕົກແຕ່ງຮ້ານແມ່ນ ການວາງລຽງກັນຂອງປື້ມອ່ານຕາມຖ້ານໄມ້ ສີຂອງສັນປື້ມສ້າງເມັດສີທີ່ໂດດເດັ່ນຂຶ້ນມາ ໃນໂທນສີນຳ້ຕານອ່ອນ ເພີ່ມຄວາມຫລາກຫລາຍ ເຮັດໃຫ້ຮ້ານມີຄວາມໜ້າສົນໃຈ. ໂຄມໄຟແບບໂມເດີ້ນ ທີ່ຫ້ອຍ ແລະຕັ້ງໄວ້ຕາມແຕ່ລະໂຕະ ຫລຸດຜ່ອນຄວາມດິບຫຍາບຂອງວັດສະດຸໄມ້ ເກີດເປັນຈຸດລົງໂຕຂອງການຕົກແຕ່ງແບບ Modern Rustic.

 

ບໍ່ວ່າຈະແນມໄປໃນມຸມໃດຂອງ A House ເຮົາຈະຮູ້ສຶກວ່າທຸກຕຳແໜ່ງມີເລ່ືອງລາວເຊື່ອງຊ້ອນຢູ່, ດ້ວຍຕຳແໜ່ງທີ່ແຕກຕ່າງ ວັດສະດຸທີ່ແຕກຕ່າງເຮັດໃຫ້ ທຸກຕາຕະລາງແມັດຂອງຮ້ານມີຄວາມໜ້າສົນໃຈ. ແມ່ນແຕ່ຫ້ອງຄົວ ທີ່ຖືກກັ້ນດ້ວຍແວ່ນແກ້ວ ກໍ່ຍັງເຮັດໃຫ້ເກີດມິຕິຂອງກິດຈະກຳທີ່ເກີດຂຶ້ນພາຍໃນຫ້ອງ. ເປັນພື້ນທີ່ທີ່ຖືກຂັ້ນ ແຕ່ພັດເຊື່ອມໂຍງກັນໄດ້ທາງສາຍຕາ ແລະຄວາມຮູ້ສຶກ.

 

ປະຕີເສດບໍ່ໄດ້ວ່າ ພາຍໃຕ້ສາຍຄາຂອງ A House ມີຫລາກຫລາຍເລື່ອງລາວ ໃຫ້ເລົ່າ ນອກຈາກຮູບແບບການຕົກແຕ່ງຮ້ານທີ່ເປັນຫົວຂໍ້ຫລັກຂອງເຮົາໃນມຶ້ນີ້ແລ້ວ ເຮົາຍັງໄດ້ສຳຜັດເຖິງກິ່ນອາຍຂອງການອອກແບບສະຖາປັດຕະນະກຳ ທີ່ເປັນມິດຕໍ່ທຳມະຊາດອີກດ້ວຍ ຄືການເປີດ ທັດສະນີຍະພາບສູ່ສາຍນຳ້ ແລະທິດຕາເວັນຕົກ, ການຮັກສາລະບົບນີເວດອ້ອມຂ້າງໃຫ້ຢູ່ແບບເກົ່າ, ການເປີດຫລັງຄາໂລ່ງສູງ2ຊັ້ນເພື່ອຮັບເອົາລົມທຳມະຊາດ, ການປຸກສ້າງທີ່ກົມກືນກັບຊຸມຊົນ. ສີ່ງຕ່າງໆເຫລົ່ານີ້ລ້ວນແຕ່ແມ່ນການຫລັກການອອກແບບສີ່ງປຸກສ້າງທີ່ທຸກໆໂຄງການຄວນຈະມີ.

Lines Space 26

 

ເຖິງວ່າຕອນນີ້ ຮູບແບບ Rustic ຍັງບໍ່ຄ່ອຍຈະເປັນທີ່ນີຍົມໃນລາວ ຫລືອາດຈະມີການເກີດຄວາມສັບສົນກັບຮູບແບບ Vintage ຫລື Loft ແຕ່ເຊື່ອແນ່ນອນວ່າ ຮູບແບບນີ້ຈະໄດ້ຮັບຄວາມນິຍົມໃນບໍ່ຊ້າ ເພາະວ່າອົງປະກອບແບບ Rustic ສ້າງຄວາມແຕກຕ່າງໄດ້ຢ່າງໜ້າສົນໃຈ. ຫລາຍຄົນອາດຈະຕົກຫລຸມຮັກການຕົກແຕ່ງແບບນີ້ ຄືທີ່ຕົກຫລຸມຮັກ A House ແລະນຳເອົາໄປປັບໃຊ້ໃນການຕົກແຕ່ງເຮືອນຂອງທ່ານ. ພຽງແຕ່ແນມຫາຂອງໃຊ້ເກົ່າໆ ນຳມາດັດແປງໃຫ້ເກີດເປັນຂອງໃຊ້ງາມໆໄດ້. ເພາະໃນໂລກແຫ່ງຄວາມຈິງບໍ່ມີຫຍັງເລີຍ ທີ່ສົມບູນແບບ ແຕ່ໃນຄວາມບໍ່ສົມບູນແບບເຫລົ່ານັ້ນກໍ່ມີຄວາມສວຍງາມໃນຕົວເອງສະເໝີ.

 

ແນມລົງມາຈາກຫ້ອງການຊັ້ນເທິງ ຈະເຫັນບັນຍາກາດຂອງຮ່ອງແຊງພ້ອມ

ແນມລົງມາຈາກຫ້ອງການຊັ້ນເທິງ ຈະເຫັນບັນຍາກາດຂອງຮ່ອງແຊງພ້ອມ

Lines Space 4

Lines Space 7

 

Lines Space 12

Lines Space 18

 

Lines Space 20

 

Lines Space 22

Lines Space 25

Lines Space 24