21 ມໍລະດົກໂລກແຫ່ງໃໝ່ ປີ2017 ທີ່ປ່ຽມດ້ວຍຄຸນຄ່າດ້ານວັດທະນະທຳ ແລະທຳມະຊາດ

UNESCO ປະກາດ21 ສະຖານທີ່ ເປັນມໍລະດົກໂລກລ່າສຸດຂອງປີ 2017

ແນ່ນອນວ່າ ແຕ່ລະປິນັ້ນ ໂລກຈະໄດ້ມີການບັນຍັດຊື່ມໍລະດົກຂອງໂລກໄວ້ເພື່ອເປັນການປົກປ້ອງສະຖານທີ່ທີ່ຊົງຄຸນຄ່າເຫລົ່ານັ້ນບໍ່ໃຫ້ຖືກທຳລາຍໃນອະນາຄົດພາຍພາກໜ້າ

ໃນການປະຊຸມ World Heritage Committee ຄັ້ງທີ 41, ໄດ້ມີການປະກາດມໍລະດົກໂລກປະຈຳປີ 2017 ເຊິ່ງມີເກນການປະເມີນຄຸນຄ່າທັງດ້ານວັດທະນະທຳ ແລະ ດ້ານທຳມະຊາດ ໂດຍຕ້ອງມີຄວາມໂດດເດັ່ນ ແລະມີຄຸນຄ່າຕໍ່ມະນຸດໂລກ ໂດຍປິນີ້ມີຢູ່ 26 ແຫ່ງກັນເລີຍ

ເຊິ່ງໃນ 26 ແຫ່ງນີ້ ມີ 21 ແຫ່ງທີ່ປະກອບເປັນ ມໍລະດົກໃໝ່ ແລະອີກ 5 ແຫ່ງທີ່ມີການເພິ່ມຂະຫຍາຍ ອານາເຂດ

ເຊິ່ງແຕ່ລະສະຖານທີ່ນັ້ນບອກເລີຍວ່າ ມະຫັດສະຈັນສົມເປັນມໍລະດົກຂອງມວນມະນຸດຊາດຢ່າງແທ້ຈິງ

  1. 1.  Kulangsu Island, China

    ເກາະກູລັງຊູ ປະເທດຈີນ ເປັນເກາະນ້ອຍໆຕັ້ງຢູ່ບໍລິເວນປາກແມ່ນຳ້ Chiulung ຂອງເມຶອງ Xiamen ຢ້ອນກັບໄປເມື່ອ 174 ປີກ່ອນ ເກາະແຫ່ງນິ້ເປັນທ່າເຮຶອພານິດ ແລະມີການຕັ້ງຂໍ້ຕົກລົງລະຫວ່າງປະເທດໃນເວລາຕໍ່ມາ ເຮັດໃຫ້ບ່ອນນີ້ກາຍເປັນ ແຫລ່ງແລກປ່ຽນເງີນລະຫວ່າງປະເທດທີ່ຮຸ່ງເຮືອງ ນອກຈາກນີ້ຍັງມີຄວາມໂດດເດັ່ນທາງດ້ານວັດທະນະທຳ ທີ່ມີການປະສົມປະສານຮູບແບບສະຖາປັດຕະຍະກຳທີ່ແຕກຕ່າງ ທັງຮູບແບບຈີນ ຕາເວັນຕົກ ແລະໂຄໂລນຽວວີຣັນດາທີ່ສວຍງາມໄວ້

170630181332-12-unesco-world-heritage-sites-2017-super-169

2. ເມືອງປະຫວັດສາດ ຍາດສ໌ Yazd, ປະເທດ Iran

ເປັນເມືອງທີ່ສະທ້ອນວີຖີຊິວິດຂອງຄົນໃນເມືອງນີ້ ມີຄວາມໂດດເດັ່ນດ້ານການຊົນລະປະທານ ທີ່ສົ່ງຜ່ານທໍ່ຫລືອຸໂມງໃຕ້ດີນ ມີຄວາມຈະເລີນຮຸ່ງເຮືອງທາງການຄ້າຢ່າງຫລວງຫລາຍ

Yazd, Iran ທີ່ມາ CNN travel

Yazd, Iran
ທີ່ມາ CNN travel

3. ອັບໂຟຣດີຊີອັສ Aphrodisias  ໃນປະເທດ Turkey:

ພື້ນທີ່ທາງບູຮານຄະດີທີ່ປະກອບໄປດ້ວຍຮ່ອງຮອຍທາງອາລິຍະທຳ ແລະສະຖາປັດຕະຍະກຳອັນສວຍງາມ ຄືວີຫານອັບໂຟຣໄດຊ໌ ໂຮງລະຄອນຊຸມຊົນບູຮານ ແລະເສົາຫີນອ່ອນທີ່ປະດັບເດຍລະດາດຢູ່ຮອບເມືອງ ເປັນພື້ນທີ່ທີ່ສະທ້ອນໃຫ້ເຫັນເຖິງຄວາມຈະເລີນຮູ່ງເຮືອງ ຂອງສີລະປີນແນວເຮເລນນີສະຕິກ Helenistic ນະໄລຍະນັ້ນ

Aphrodisias, Turkey: ທີ່ມາ CNN travel

Aphrodisias, Turkey:
ທີ່ມາ CNN travel

4. ມະຫາວິຫານ ສະວີຢາດຊ໌  Sviyazhsk,  Russia:

ສະຖານທີ່ປະກອບພິທີທາງສາສະໜາຄຣິສ ຂອງນິກາຍລັດເຊບໂອໂຕດ໊ອກສ໌ ພາຍໃນວິຫານຖືກຕົກແຕ່ງດ້ວຍຈິດຕະກຳຝາຜະໜັງທີ່ສົມບູນສວຍງາມຕັ້ງແຕ່ສັດຕະວັດທີ 16 ແລະຖືກສ້າງຂື້ນໃນຂະນະທີ່ ດີນແດນແຖບນີ້ຍັງນັບຖືສາສະໜາ ອີສລາມ, ມະຫາວິຫານແຫ່ງນີ້ຈຶ່ງເປັນສັນຍາລັກແຫ່ງການຢູ່ຮ່ວມກັນ ຂອງຄວມແຕກຕ່າງທີ່ຫລາກຫລາຍ

Assumption Cathedral, Sviyazhsk, Russia CNN travel

Assumption Cathedral, Sviyazhsk, Russia
CNN travel

5. ຖຳ້ ສະວາບຽນ ຈູຣາ Swabian Jura , ປະເທດ ເຢຍລະມັນ:

ທາງພາກໃຕ້ຂອງປະເທດເຢຍລະມັນ ມີຖຳ້ຢູ່ 6 ແຫ່ງ ເຊີ່ງເປັນສະຖານທີ່ລວມຜົນງານປະຕິມະກຳທີ່ມີຄວາມເກົ່າແກ່ທີ່ສຸດຕັ້ງແຕ່ສະໄໝຍຸກຫີນ ເຊັ່ນ ຮູບປັ້ນສຸພາບສະຕຣິ ທີ່ເອີ້ນວ່າ The venus of Hohle Fels ເຊິ່ງຄາດວ່າມີອາຍຸລະຫວ່າງ 43,000  ປີ ແລະ ຍັງມີຮູບປັ້ນແກະສະຫຼັກຊ້າງຂະໜາດ 6 ຊມ ແລະອື່ນໆ

Swabian Jura Caves, Germany: ທີ່ມາ CNN travel

Swabian Jura Caves, Germany:
ທີ່ມາ CNN travel

6. Kujataa ເທີງເກາະ ກຣິນແລນ ປະເທດ Denmark

: ດ້ວຍພູມີປະເທດເປັນເຄິ່ງ ອາກຕິກ ແລະວີຖີຊີວິດຂອງນັກລ່າສັດຊາວ ນ້ອດສ໌  ເລີ່ມມີມາຕັ້ງແຕ່ ສັດຕະວັດທີ 10 ນອກຈາກນີ້ຍັງມີວັດທະນະທຳ ຊາວອິມນຸອິດ ແຕ່ສັດຕະວັດທີ18 ເຊີ່ງ2ວັດທະນະທຳນີ້ໄດ້ຮ່ວມສ້າງພູມມີທັດເຊີງການລ້ຽງສັດອັນຕື່ນຕາຕື່ນໃຈໃຫ້ນັກທ່ອງທ່ຽວໄດ້ຮູ້ຈັກກັບການເຮັດຟາມແບບທ້ອງຖິ່ນ

Kujataa, Denmark ທີ່ມາ CNN travel

Kujataa, Denmark
ທີ່ມາ CNN travel

7. ເກາະສັກສິດ Okinoshima, Japan :

ເຄີຍເປັນສະຖານທີ່ປະກອບພີທີກຳບູຮານ ໃນຊ່ວງສັດຕະວັດທີ 4-9  ໂດຍນັກເດີນເຮືອສະໄໝກ່ອນ ຈະມາຂໍພອນຈາກສານເຈົ້າພາຍໃນເກາະແຫ່ງນີ້ ໃຫ້ອອກເດີນເຮືອໄດ້ຢ່າງປອດໄພ ແລະຄ້າຂາຍເປັນຜົນສຳເລັດ, ໂດຍມີຂໍ້ຫ້າມຄື ຫ້າມໃຫ້ແມ່ຍິງຂຶ້ນມາເທິງເກາະ ແລະຂໍ້ຫ້າມອື່ນໆອີກ

Okinoshima, Japan ທີ່ມາ CNN travel

Okinoshima, Japan
ທີ່ມາ CNN travel

8. ເມືອງເກົ່າ Hebron ປະເທດ ປາເລສຕີນ:

ຍ່ານເມືອງເກົ່າທີ່ໜາແໜ້ນໄປດ້ວຍສະຖາປັດຕະຍະກຳຂອງອາຄານບ້ານເຮືອນທີ່ກໍ່ດ້ວຍຫີນປູນຕັ້ງແຕ່ໄລຍະປີ 1250-1517 ນອກຈາກຈະເປັນສະຖານທີ່ທ່ອງທ່ຽວທີ່ມີມົນສະເໜ່ແລ້ວ ຍັງເປັນສະຖານທີ່ສະແຫວງບຸນທາງສາສະໜາ ຍູດາຍ ຄຣິສ ແລະ ອິສລາມອີກດ້ວຍ.

Hebron Old City ທີ່ມາ CNN travel

Hebron Old City
ທີ່ມາ CNN travel

9. Venetian Works of Defense — Croatia, Italy, Montenegro:

ກຳແພງເມືອງປ້ອງກັນໂດຍ ປະຊາຊົນ ເວນິສ ໃນປະເທດໂຄເອເຊຍ, ອີຕາລີ ແລະ ມົງເຕເນໂກຣ: ຂະໜາດ 15ຊັ້ນ  ທີ່ສ້າງຂຶ້ນເພື່ອໃຊ້ປ້ອງກັນການຮຸກຮານຈາກຊາດຕະເວັນຕົກ ກຳແພງກວ່າ 1000 ກິໂລແມັດ ຄອບຄຸມ 3ປະເທດ  ໂຄເອເຊຍ, ອີຕາລີ ແລະ ມົງເຕເນໂກຣ ເປັນປ້ອມ ແລະສະຖາປັດຕະຍະກຳທາງການທະຫານທີ່ມີເອກະລັກ ແລະເປັນແມ່ແບບຂອງປ້ອມອີກຫລາຍແຫ່ງໃນເອີຣົບ

Venetian Works of Defense -- Croatia, Italy, Montenegro: ທີ່ມາ CNN travel

Venetian Works of Defense — Croatia, Italy, Montenegro:
ທີ່ມາ CNN travel

10. ເມືອງ ແອສມາຣາ ປະເທດ ເອຣີເທຣຍ(Eritrea) 

ເປັນເມືອງທີ່ມີຄວາມທັນສະໄໝຫລາຍທີ່ສຸດເມືອງຫນຶ່ງຂອງທະວີບອາຟຣິກກາ ສືບເນື່ອງຈາກມໍລະດົກຕົກທອດທາງພູມປັນຍາ ວັດທະນະທຳ ແລະສະຖາປັດຕະຍະກຳທີ່ຫລົງເຫລືອຢູ່ຂອງປະເທດເຈົ້າອານານິຄົມຄື ອີຕາລີ

Asmara Eritrea ທີ່ມາ the standard

Asmara Eritrea
ທີ່ມາ the standard

11. ເມືອງປະຫວັດສາດ ອາເມດາບັດ (Ahmedabad) ປະເທດອີນເດຍ :

ອາເມດາບັດ ກໍ່ຕັ້ງຂຶ້ນໂດຍ ສຸລະຕ່ານ ອາມັດ ຊາ ໃນສັດຕະວັດທີ 15 ສະຖານທີ່ນີ້ສະແດງໃຫ້ເຫັນເຖິງມໍລະດົກທາງວັດທະນະທຳອັນຍາວນານ ໂດດເດັ່ນດ້ວຍສະຖາປັດຕະຍະກຳປະສົມປະສານທັງແບບຮີນດູ ແລະອິສລາມໄວ້ນຳກັນ ເບຶ້ອງຫລັງຂອງກຳແພງເມືອງເກົ່າໂອບລ້ອມດ້ວຍອາຄານບ້ານເຮືອນແບບເກົ່າ ມີ່ຍັງປະກົດໃຫ້ເຫັນລວດລາຍແລະຮ່ອງຮອຍທີ່ສະທ້ອນເອກະລັກເມືອງເກົ່າໄວ້ໄດ້ຢ່າງສວຍງາມ

Ahmedabad, India CNN Travel

Ahmedabad, India
CNN Travel

12. Valongo, Brazil:

ທ່າເຮືອບູຮານວາລອງໂກ ໃນເມືອງຫລວງຂອງ ບຣາຊິວ ພື້ນທີ່ທາງບູຮານຄະດີ ທີ່ອະດີເຄີຍເປັນຈຸດເຊື່ອມຕໍ່ດ້ານການຄ້າທາດອາຟຣິກກາທີ່ສຳຄັນໃນທະວີບອາເມລິກາໃຕ້ ສ້າງຂຶ້ນ ໃນປີ 1811 ນັບວ່າເປັນສະຖານທີ່ອັນເປັນສູນລວມຈິດວິນຍານຂອງຜູ້ຄົນໃນອະດີດ

 

 

Valongo, Brazil CNN travel

Valongo, Brazil
CNN travel

13. Qinghai Hoh Xil, China:

ພູພຽງທີ່ຢູ່ສູງທີ່ສຸດໃນໂລກ , ຕະຫລອດປີທີ່ມີອຸນຫະພູມຕໍ່າກວ່າ 0 ອົງສາ ຈຶ່ງເຮັດໃຫ້ເຫັນລະບົບນິເວດທີ່ໂດດເດັ່ນ ເຊິ່ງພືດແລະສັດບາງສາຍພັນເທົ່ານັ້ນທີ່ຈະດຳລົງຢູ່ໄດ້

Qinghai Hoh Xil, Chin ທີ່ມາ CNN travel

Qinghai Hoh Xil, Chin
ທີ່ມາ CNN travel

14. Sambor Prei Kuk, Cambodia: ສົມໂບ ໄປຣ ກຸກ ປະເທດກຳປູເຈຍ

ສະຖານທີ່ຕັ້ງຂອງຜາສາດຫີນບູຮານກວ່າ 50 ແຫ່ງ ຄາດການວ່າຖືກສ້າງຂື້ນໃນໄລຍະທ້າຍສັດຕະວັດທີ 6 ພະບາງແລະຜາສາດສ່ວນໃຫຍ່ມີລັກສະນະສະເພາະເປັນຊົງ 8ຫລ່ຽມ ເຊີ່ງເປັນສະຖາປັດຕະຍະກຳທີ່ເກົ່າແກ່ທີ່ສຸດໃນອາຊຽນ

Sambor Prei Kuk, Cambodia: ທີ່ມາ CNN Travel

Sambor Prei Kuk, Cambodia:
ທີ່ມາ CNN Travel

15.Khomani Cultural Landscape, South Africa:

ເປັນພື້ນທີ່ປະສົມປະສານລະຫວ່າງທະເລຊາຍທີ່ກວ້າງໃຫຍ່ ກັບວັດທະນະທຳຊົນເຜົ່າ  ǂKhomani San ນັບຕັ້ງແຕ່ຍຸກຫີນເປັນຕົ້ນມາ ຕັ້ງຢູ່ໃນພື້ນທີ່ທະເລຊາຍ ຄາລາຮາຣີ ໃນອຸດທະຍານແຫ່ງຊາດ ຄາລາຮາຣີ Kalahari Gemsbok ໃນປະເທດອາຟຣິກກາໃຕ້

Unknown

16. ພູມມີທັດ Dauria, Mongolia/Russia :

ຕັ້ງຢູ່ໃນອານາເຂດຂອງມົງໂກລີ ແລະລັດເຊຍ ເປັນພື້ນທີ່ແບບທົ່ງຫຍ້າ (Steppe) ທີ່ໄດ້ຮັບອິດທິພົນສະພາບອາກາດ2ທາງ ຄືທາງທິດຕາເວັນອອກຂອງມົງໂກລີ ແລະລັດເຊຍ ແລະທາງຕາເວັນອອກສ່ຽງເຫນືອຂອງຈີນ ກໍ່ໃຫ້ເກີດສະພາບອາກາດທີ່ມີລັກສະນະສະເພາະ ນຳໄປສູ່ຄວາມຫລາກຫລາຍຂອງລະບົບນິເວດທີ່ເປັນແຫລ່ງທີ່ຢູ່ອາໄສຂອງພືດພັນ ແລະສັດປ່າຫາຍາກຫລາຍຊະນິດ

Landscapes of Dauria, Mongolia/Russia ທີ່ມາ CNN travel

Landscapes of Dauria, Mongolia/Russia
ທີ່ມາ CNN travel

17. Taputapuatea, ໃນຫມູ່ເກາະ Ra’iatea :

ເປັນພື້ນທີ່ສັກສິດ ແລະສູນລວມທາງດ້ານສິລະປະວັດທະນະທຳທ້ອງຖິ່ນ ບໍລິເວນແຖບນີ້ ເຕັມໄປດ້ວຍແຫ່ງບູຮານຄະດິ ແລະສະຖານທີ່ປະກອບພິທີກຳຕ່າງໆ ສ້າງຂື້ນປະມານສັດຕະວັດທີ 14-18 ສະແດງເຖິງຄວາມຈະເລີນດ້ານສິລະປະວິທະຍາໃນຂະນະນັ້ນ ກ່ອນຈະເຊື່ອມໂຊມລົງຈາກການຮຸກຮານຂອງຊາດຕາເວັນຕົກ ແລະໄດ້ຮັບການບູລະນະຄືນໃໝ່ໃນສັດຕະວັດທີ20 ທີ່ຜ່ານມາ

Taputapuatea, Ra'iatea Island ທີ່ມາ CNN travel

Taputapuatea, Ra’iatea Island
ທີ່ມາ CNN travel

18. ເມືອງ Mbanza Kongo, Angola

ໜຶ່ງໃນລັດທີ່ໃຫຍ່ທີ່ສຸດທາງພາກໃຕ້ຂອງອາຟຣິກ ສູນກາງການເມືອງແລະຈິດວິນຍານຂອງລາຊະອານາຈັກຄອງໂກຕັ້ງແຕ່ສັດຕະວັດທີ  14-19 ເປັນສະຖານທີ່ຕັ້ງຂອງລາດຊະວັງຕົ້ນໄມ້ສັກສິດ ລວມເຖິງສະຖານທີ່ຈັດຖວາຍເພີງສົບເຊື່ອເຈົ້າກະສັດ ການເຂົ້າມາຂອງຊາວປ໊ອກຕຸຍການ ໃນສັດຕະວັດທີ 15 ເຊີ່ງເຮັດໃຫ້ມີໂຄງສ້າງອາຄານຕາມສະຖາປັດຕະຍະກຳຂອງເອີຣົຍ ແຕ່ວ່າໃຊ້ວັດສະດຸທ້ອງຖິ່ນໃນການກໍ່ສ້າງ ດັ່ງນັ້ນເມືອງ ມະບັນຊາ ຄອງໂກ ຈື່ງມີຮູບແບບອາລິຍະທຳສະເພາະໂຕ ແລະເປັນດັ່ງແຫລ່ງເຕືອນໃຈຂອງການເຂົ້າມາຂອງຊາວເອີຣົບໃນອາຟຣິກກາ

Mbanza Kongo, Angola: ທີ່ມາ CNN travel

Mbanza Kongo, Angola:
ທີ່ມາ CNN travel

19. ເໝືອງ Tarnowskie Góry Lead-Silver-Zinc Mine, Poland:

ແຫລ່ງຜະລິດແຮ່ ກົ່ວ ແລະສັງກະສິອັນສຳຄັນຂອງໂລກໃນອະດີດ, ຕັ້ງຢູ່ແຄວ້ນປົກຄອງຕົນເອງທາງພາກເໜືອຂອງໄຊລີເຊຍ ປະເທດໂປແລນ ໂດດເດັ່ນເລື່ອງລະບົບການຈັດການນຳ້ ເຊິ່ງເຮົາສາມາດເຫັນອຸປະກອນ ແລະຂັ້ນຕອນຕ່າງໆໄດ້ຕາມບໍລິເວນຕ່າງໆ

Tarnowskie Góry Lead-Silver-Zinc Mine, Poland: ທີ່ມາ CNN travel

Tarnowskie Góry Lead-Silver-Zinc Mine, Poland:
ທີ່ມາ CNN travel

20. ເຂດທະເລສາບ Lake District, UK:

ຕັ້ງຢູ່ທາງຕາເວັນອອກສ່ຽງເໜືອຂອງອັງກິດ ເປັນພື້ນທີ່ພູເຂົາທີ່ກຳເນີດຈາກທານນຳ້ແຂງໃນຍຸກນຳ້ແຂງ ແລະໄດ້ຮັບການປັບສະພາບຈາກການເຮັດກະສິກຳຂອງມະນຸດ ກາຍເປັນສາກພູມມີທັດມີສວຍງາມ ຄືກັບຮູບແຕ້ມ

 

 

Lake District, UK: ທີ່ມາ CNN travel

Lake District, UK:
ທີ່ມາ CNN travel

21. ອຸດທະຍານ ແຫ່ງຊາດ Los Alerces, ປະເທດ ອາກຊັງຕີນ

: ທິວທັດງົດງາມຂອງພູເຂົາ ອັງເດສ ສວນແຫ່ງນີ້ມີການຈັດລະບົບການຈັດການແລະອະນຸລັກພືດໄມ້ນານາພັນ ໃຫ້ອຸດົມສົມບູນຕະຫລອດປີ ໂດຍສະເພາະຕົ້ນໄຊປັສ ສາຍພັນປາຕາໂກເນຍ ເຊິ່ງຖືວ່າເປັນຕົ້ນໄມ້ທີ່ມີອາຍຸຍືນທີ່ສຸດເປັນອັນດັບ2ຂອງໂລກ

Los Alerces, Argentina ທີ່ມາ CNN travel

Los Alerces, Argentina
ທີ່ມາ CNN travel

22.  ອາຄານ Bauhaus ໃນເມືອງ Weimar ປະເທດເຢຍລະມັນ:

ບໍ່ມີສະຖາປະນິກຄົນໃດບໍ່ຮູ້ຈັກ, ໂຮງຮຽນສອນສີລະປະແລະວິຈິດສິນ ທີ່ສ້າງຂຶ້ນໃນປີ 1930-1933 ຖືເປັນໂຮງຮຽນທີ່ໂດ່ງດັງໃນເລື່ອງການສອນແນວທາງການອອກແບບ ມີອິດທິພົນຕໍ່ການອອກແບບແລະສະຖາປັດຕະຍະກຳສະໄໝໃໝ່ມາຈົນຮອດປັດຈຸບັນ

Bauhaus

Bauhaus

23. ອາຮາມ ຈິລາຕິ Gelati Monastery ປະເທດ ຈໍເຈຍ

: ແລນມາຣກ໌ທາງສາສະໜາແລະວັດທະນະທຳ ສ້າງຂື້ນປີ 1106 ອາຮາມແຫ່ງນີ່ມີຊື່ສຽງກ້ານໂມເສກ ແລະຮູບແຕ້ມຈິດຕະກຳຝາຜະໜັງທີມີມາແຕ່ສັດຕະວັດທີ  12-19

Gelati Monastery

Gelati Monastery

24. ຄຣອງ ດີລ Grand île,  ເມືອງ Strasbourg ປະເທດ  France

ເປັນເກາະໃຫຍ່ ທີ່ໄດ້ຈັດເປັນມໍລະດົກໂລກຕັ້ງແຕ່ປີ  1988 ໂດຍມີຄວາມສຳຄັນໃນຖານະເປັນແບບຢ່າງດ້ານເມືອງເກົ່າຂອງຍຸກກາງ Moyen âge ແລະພາຍຫລັງໄດ້ມີການສ້າງເມືອງນ້ອຍອ້ອມຮອບຊື່ວ່າ Neustadt ທີ່ໂດດເດັ່ນໄປດ້ວຍສະຖາປັດຕະຍະກຳເຊິ່ງໄດ້ຮັບອິດທິພົນມາຈາກເຢຍລະມັນ ແລະໄດ້ບັນຈຸເປັນມໍລະດົກໃໝ່ໃນປີນີ້ນັ້ນເອງ

Neustadt

Neustadt

25.  Primeval Beech Forests / Regions of Europe

ປ່າ ບິສ ບູຮານ ເກີດຂຶ້ນເມຶ່ອສີ້ນສຸດຍຸກນຳ້ແຂງ ໃນບໍລິເວນພູເຂົາ  (Carpathian)  ກິນພື້ນທີ່ຂອງຫລາຍໆປະເທດໃນເອີຣົບຫລາຍກວ່າ 12 ແຫ່ງ ໄດ້ແກ່ ອາລບານີ ໂອທຣີສ ແບນຊິກ ບຸນກາຣີ ໂຄອາຊີ ເຢຍລະມັນ ອີຕາລີ ໂປແລນ ຣູມານີ ສະໂລວາກີ ແອສປາຍ ແລະອູເຄຣນ

Primeval Beech Forests / Regions of Europe

Primeval Beech Forests / Regions of Europe

26. W-Arly-Pendjari Complex

ສ່ວນຕໍ່ຂະຫຍາຍເພິ່ມເຕີມຈາກ ເບນິນ ບູກິນາ ຟາໂຊ (Benin, Burkina Faso) ໄປຮອດສວນ ແຫ່ງຊາດ ດັບເບີ້ນຢູ W National Park of Niger ຂອງປະເທດ ໄນຈີເຣຍ ເຊິ່ງຖືກບັນທຶກເປັນມໍລະດົກໂລກປີ 1996

W-Arly-Pendjari Complex

W-Arly-Pendjari Complex

 

ແລະນີ້ກໍ່ເປັນທັງໝົດ 21 ມໍລະດົກໃຫມ່ ແລະ 5 ບ່ອນທີ່ຂະຫຍາຍພື້ນທີ່ໃນປີ 2017 ນີ້