Lao the undiscovered paradise Ep 1-01

ຕອນທີ 1 ອັດຕະປື ສາມຕໍານານໃນແດນສັກສິດ : UnseenJouneys Ep.1 Unseen Uttapeu

ບົດຄວາມໂດຍ ກໍລະເກດ

ອ້າງອີງຈາກ: lao.gov.la

attapeu.gov.la

——————————————————————————————————————————————————————————————————————————

#UnseenJourneys

ໂຈດວິຊາພາສາລາວ ຈົ່ງອະທິບາຍ-ພິສູດ-ວິຈານ ຄຳເວົ້າທີ່ວ່າ: “ອັດຕະປື ປື້ງ ຂາຍຄຳແລກຂີ້ໄກ່”

ລຳລືກັນວ່າອັດຕະປືເປັນດິນແດນທີ່ອຸດົມສົມບູນດ້ວຍຊັບໃນດິນສິນໃນນໍ້າ ເພື່ອພິສູດວ່າແມ່ນແທ້ຫຼືບໍ່ເຮົາໄດ້ຍົກສະຖານທີ່ທ່ານອາດບໍ່ເຄີຍຮູ້ມາກ່ອນວ່າ  ຢູ່ລາວກໍມີຫວາ?  ຫຼັງຈາກອ່ານຈົບທ່ານຈະຢາກໄປສໍາຜັດ ແຂວງອັດຕະປືຈັກເທື່ອຫນຶ່ງໃນຊີວິດ

  • 1. ວັດສະແຄະສຸຂະລາມ

ວັດສະແຄະສຸຂະລາມເປັນທີ່ປະດິດສະຖານຂອງພະພຸດທະຮູບພະອົງແສນ ໂດຍຊາວບ້ານເຊື່ອວ່າພະພຸດທະຮູບນີ້ສັກສິດຈົນສາມາດດົນບັນດານໃຫ້ຜູ້ມາສັກກາຣະບູຊາມີໂຊກລາບດັ່ງປາຖະໜາ. ຕຳນານເລີ່ມຂຶ້ນເມື່ອຫຼາຍຮ້ອຍປີກ່ອນ ມີສອງເອື້ອຍນ້ອງຄູ່ໜຶ່ງຫຼົງທາງກັບບ້ານຫຼັງຈາກທີ່ໄປເກັບເຫັດ ແລະ ບັງເອີນໄປພໍ້ກັບຜີເຊື້ອນໍ້າທັກແຄ ຫຼື ຜີເຊື່ອນໍ້າຊັກແຄ, ຜີດັ່ງກ່າວຈຶ່ງໄດ້ກ່າວຈຶ່ງໄດ້ເອົານາງໄປລ້ຽງ. ຫຼາຍປີຕໍ່ມາກໍໄດ້ເກັນເປັນຜົວເມຍ ແລະ ສ້າງເຮືອນຢູ່ເຂດບ້ານສະແຄະໃນປັດຈຸບັນ ດັ່ງນັ້ນ ປະຊາຊົນໃນປາງນັ້ນຈຶ່ງຕັ້ງຊື່ບ້ານວ່າ ບ້ານສະແຕະ. ໄລຍະຕໍ່ມາໄດ້ອົບພະຍົກມາຕັ້ງຖິ່ນຖານລຽບແຄມນໍ້າເຊກອງເຂດບ້ານສະແຄະ ແລະ ສ້າງວັດສຸຂະລາມບ້ານສະແຄະ

ຕໍ່ມາ ທ່ານ ພະຍານະຄະ ຢູ່ເມືອງນະຄອນໄດ້ຍົກທັບມາຕີບ້ານໂຊກ ເມຶອງອົງການ, ຊາວເມືອງອົງການຈິ່ງໄດ້ຮ່າງເມືອງໜີ ແລະ ເອົາພະອົງແສນໄປເຊື່ອງໄວ້ໃນຖໍ້າ. ຫຼາຍປີຕໍ່ມາຊາວເຜົ່າຍະເຫີນໄດ້ພໍ້ຖໍ້າຈຶ່ງເອົາພະພຸດທະຮູບໄປວັດສຸຂະລາລາມ ບ້ານສະແຄະໃນປັດຈຸບັນ

ຊື່ສຽງເລື່ອງຄວາມສັກສິດຂອງພະພຸດທະຮູບອົງແສນນີ້ໂດ່ງດັງໄກຈົນເຮັດໃຫ້ຜູ້ສະແຫວງບຸນໃນແຂວງໃກ້ຄຽງຈົນເຖິງປະເທດເພື່ອນບ້ານມາກາບໄຫວ້ ແລະ ຂໍພອນເປັນປະຈຳ

credit: photo credit: http://tourlaos.blogspot.com/2008/02/tourists-favour-attapeus-historical.html

credit: photo credit: http://tourlaos.blogspot.com/2008/02/tourists-favour-attapeus-historical.html

 

 

 

 

 

 

 

 

 

  1. ໜອງຟ້າ

ທ່ານຮູ້ຫຼືບໍ່ວາໃນລາວມີສະຖານທີ່ວິເສດມະຫັດສະຈັນດັ່ງສາກໃນເທບນິຍາຍວັນນະຄະດີພື້ນເມືອງໃນຄວາມເປັນຈິງແມ່ນປາກົດຢູ່ໃນບ້ານວັງຕັດ ເມືອງຊານໄຊ ໃກ້ຊາຍແດນລາວ-ຫວຽດນາມ. ໜອງຟ້າຕັ້ງຢູ່ຍອດພູສູງ 1200-1500ແມັດ ເໜືອລະດັບນໍ້າທະເລໃນເຂດປ່າສະຫງວນແຫ່ງຊາດດົງອຳພາມ ເຊິ່ງໄດ້ຖືກຄົ້ນພົບໂດຍນັກທໍລະນີສາດຊາວຝຣັ່ງໃນປີ 1930 ຜ່ານການສັງເກດ ແລະ ສັນນິຖານວ່າ: ຄົງເກີດຈາກການລະເບີດເມື່ອຫຼາຍພັນປີາກ່ອນໜ້ານີ້

ໂດຍຄວາມພິເສດແມ່ນໜອງນໍ້ານີ້ມີສີຂຽວຄ້າຍຄືນໍ້າທະເລ ແລະ ໃສດັ່ງແກ້ວມະນີໂຊກຈົນສາມາດດື່ມໄດ້ ທີ່ສຳຄັນໄປກ່ວານີ້ຍັງປາກົດມີແຮ່ທາດເຊັ່ນ: ຄຳ ແລະ ແກ້ວຕົກຕະກອນພໍໃຫ້ປະຊາຊົນໄດ້ຮ່ອນຄຳມາແລກປ່ຽນຊື້ຂາຍໃນແຕ່ລະປີ. ປະຊາຊົນທ້ອງຖິ່ນມີຄວາມເຊື່ອວ່າໜອງຟ້າເປັນສະຖານທີ່ສັກສິດ ແລະ ເຂັດຢໍາ

 

nongfa_lake-1

  1.  ທາດເຈົ້າໄຊເສດຖາ

ໃຜເປັນຜູ້ຍ້າຍເມືອງຫຼວງມາຕັ້ງຢູ່ນະຄອນຫຼວງວຽງຈັນ? ໃຜເປັນຜູ້ສ້າງພະທາດຫຼວງ?

ເຊື່ອວ່າທຸກຄົນຄືສິຮູ້ຄຳຕອບໝົດແລ້ວ ພະອົງເປັນວິລະບູລຸດທີ່ຍິງໃຫຍ່ໃນປະຫວັດສາດລາວ. ອິງຕາມປະຫວັດສາດໃນປາງນັ້ນເພິ່ນໄດ້ມາເຄື່ອນໄຫວປັບປຸງເມືອງຣາມາລັກອົງການ (ອັດຕະປື) ແຕ່ສະຕາກຳເພິ່ນກໍເຖິງຄາດເມື່ອ ທ້າວ ພະຍານະຄອນໃຊ້ກົນອຸບາຍ ແລະ ຄາດຕະກຳພະອົງເຖິງແກ່ສະຫວັນນະຄົດໃນແຮມ 3 ຄໍ່າ (ເດືອນ3) ປີ ຄ.ສ 1572. ອັດຖິຂອງເຈົ້າໄຊຍະເສດຖາທິລາດໄປສະຖິດຢຸ່ໃນວັດທາດຈຸນລະມະນີເປັນທີ່ກາບໄຫວຂອງຊາວລາວ

ສ່ວນປະສົມປະສານລະຫວ່າງສະຖາປັດຕະຍະກຳທີເປັນເອກະລັກຂອງວັດ ແລະ ກິ່ນອາຍຂອງເລື່ຶອງລາວປະຫວັດສາດ ຊວນໃຫ້ຊາບຊຶ້ງທີ່ໄດ້ເກີດໃນດິນແດນແຫ່ງນີ້

ທັງໝົດນັ້ນເປັນສະຖານທີ່ທ່ອງທ່ຽວທາງທຳມະຊາດ ແລະ ວັດທະນະທຳ ທີ່ເປັນມິງຂວັນຂອງຊາວອັດຕະປື. ມັນຍັງມີອີກຫຼາຍທີ່ເຮົາບໍ່ອາດຂຽນໃຫ້ຈົບໃນຕອນດຽວ ສະນັ້ນທ່ານຕ້ອງໄປສຳຜັດດ້ວຍຕົວເອງທີ່ Unseen ອັດຕະປື

thumbnail_ທາດເຈົ້າໄຊເສດຖາ 1

ຕອນຕໍ່ໄປ “ຄວາມຮຸ່ງເຮືອງໃນແດນໃຕ້”

credit: Cindy Fan

credit: Cindy Fan

gallery_location_thumbR_108_1488465391

credit: Cindy fan

gallery_location_thumbR_108_1488464695

credit: Cindy Fan

ຕິດຕາມອ່ານ ຕອນທີ 2 ສະເໜ່ຂອງຈຳປາສັກ ທີ່ http://linesmagazinelao.com/unseenjourneys-ep02/