ງານເປີດໂຕໂຄງການ ໂຄງການແນວຄິດລິເລີ່ມ “ຜູ້ສ້າງອະນາຄົດ” ຂອງບໍລິສັດບອສຈ ເກີດຂື້ນຢ່າງສົມບູນ ຈາກຄວາມຄິດໃຫມ່ໆໄປສູ່ຄວາມຈິງ

ໃນວັນທີ 15 ພະຈິກ 2017, ວຽງຈັນ, ປະເທດລາວ, ບໍລິສັດບອສຈ ຜູ້ສະໜອງເຕັກໂນໂລຊີ ແລະການບໍລິການຊັ້ນນຳຂອງໂລກຮ່ວມກັບພາກວິສະວະກຳສາດ(ຄວສ) ມະຫາວິທະຍາໄລແຫ່ງຊາດ, ໃນມື້ນັ້ນໄດ້ເປີດໂຕອາຄານຮຽນຮູ້ ສ້າງແຮງບັນດານໃຈຂອງບໍລິສັດບອສຈ ພາຍໃຕ້ໂຄງການ “ຜູ້ສ້າງອະນາຄົດ”. ອາຄານທີ່ມີຂະໜາດຕັ້ງຢູ່ 36 ມ² ແມ່ນໄດ້ຮັບການອອກແບບໂດຍນັກວິສະວະກອນໜຸ່ມ 3 ຄົນ ແມ່ນມີ ທ່ານ ອະນຸສອນ ສິສຸທຳ, ທ່ານ ສຸພະໄຊ ໄຊຍະວົງ ແລະ ທ່ານ ນຸສິນ ນຳມານິນິນ ເຊິ່ງເປັນຜູ້ທີ່ປ່ຽນຖ່າຍພື້ນທີ່ຖັງນ້ຳທີ່ບໍ່ໄດ້ໃຊ້ໃຫ້ກາຍເປັນສະຖານທີ່ຮຽນຮູ້ສ້າງສັນ ແລະ ຍືນຍົງ.

ງານດັ່ງກ່າວ ເປີດພິທີໂດຍທ່ານ ດຣ. ສົມສີ ຍໍພັນໄຊ, ອະທິການບໍດີ ມະຫາວິທະຍາໄລແຫ່ງຊາດ ແລະ ທ່ານ ແອັນດຣິວ ເດ ຈອງ, ຜູ້ອຳນວຍການໃຫຍ່ບໍລິສັດບອສຈ ແຫ່ງປະເທດລາວ, ກຳປູເຈຍ ແລະ ມຽນມາ. ໂຄງການ “ຜູ້ສ້າງອະນາຄົດ”ມີຈຸດປະສົງແກ້ບັນຫາຢ່າງສ້າງສັນສຳຫຼັບໄວໜຸ່ມ ແລະ ເປັນໃຈກາງຄວາມມຸ້ງໝັ້ນຂອງບໍລິສັດບອສຈ ໃນການປັບປຸງຄຸນນະພາບຊີວິດ, ສິ່ງແວດລ້ອມ ແລະ ສັງຄົມ.

ຈາກພື້ນທີ່ວ່າງໄປສູ່ສູນສຶກສາທີ່ສ້າງສັນ

ຕຶກ “ຜູ້ສ້າງອະນາຄົດ”ແມ່ນສະຖານທີ່ສຶກສາທີ່ສ້າງສັນ ແລະ ສ້າງແຮງບັນດານໃຈສຳຫຼັບນັກສຶກສາມະຫາວິທະຍາໄລແຫ່ງຊາດ. ເປັນຮູບຫົກຫຼ່ຽມດ້ວຍຮູບແບບສະຖາປັດຕະຍະກຳລາວ ເປັນອາຄານທີ່ນຳໃຊ້ພະລັງງານແສງອາທິດ ແລະມີລະບົບລະບາຍອາກາດທຳມະຊາດ ສາມາດຮອງຮັບນັກສຶກສາໄດ້ປະມານ 20 ຄົນ, ສະຖານທີ່ດັ່ງກ່າວຍັງມີ Wi-Fi, ອຸປະກອນຊ່ວຍຮຽນ ແລະ ຈໍສະແດງຜະລິດຕະພັນໂດຍບໍລິສັດບອສຈ.