ນັກຜະຈົນໄພໄຮເທັກ

ຫາກເຮົາສາມາດພັງກຳແພງ ແລະ ຂ້າມผ่านອຸປະສັກຢ່າງລຳບາກນັ້ນໄດ້ ການພະຈົນໄພ ບໍ່ວ່າຈະເປັນການເຂົ້າປ່າ ຫລື ປີນເຂົາກໍເປັນເລື່ອງມ່ວນ ແລະ ຖ້າຫາກທ່ານເປັນໜຶ່ງໃນຄົນທີ່ຢ້ານສິ່ງທ້າທາຍເຫລົ່ານັ້ນ ແຕ່ຢາກອອກໄປສຳພັດກັບໂລກແຫ່ງການພະຈົນໄພ ອຸປະກອນເດີນປ່າທັນສະໄໝ ກໍເປັນທາງເລືອກໜຶ່ງທີ່ດີ ທີ່ຈະສາມາດເຮັດໃຫ້ການເດີນທາງຂອງທ່ານມ່ວນຂຶ້ນໄປອີກ ດ້ວຍຄວາມສະດວກສະບາຍ, ຂະໜາດເໝາະແກ່ການນຳໄປໄດ້ທຸກທີ່ ແລະ ຍັງມີລູກຫລິ້ນການໃຊ້ງານທີ່ຕອບສະໜອງຄວາມຕ້ອງການຂອງທ່ານແບບສຸດໆ ຈະມີອຸປະກອນໃດທີ່ໜ້າສົນໃຈນັ້ນ ຕາມວາລະສານລາຍນ໌ເຮົາມາເບິ່ງເລີຍ.

MSR Guardian Purifier

ເຄື່ອງກອງນ້ຳພົກພາ ທີ່ມາພ້ອມນະວັດຕະກຳລະບົບສະກັດໄດ້ທັງເຊື້ອໄວຣັສ ແລະ ບັກເຕຣີ ເຮັດໃຫ້ທ່ານຮູ້ສຶກປອດໄພກັບນ້ຳທີ່ໃຊ້ໄປ ເຮັດໃຫ້ໝັ້ນໃຈໄດ້ເລີຍວ່າທ່ານຈະບໍ່ໄດ້ພະຍາດກັບມາບ້ານເປັນຂອງຝາກຢ່າງແນ່ນອນ ທີ່ສຳຄັນວັດສະດຸເປັນ ພລາສຕິກທົນທານ ມີອາຍຸການໃຊ້ງານຍາວນານເຖິງ 50 ປີ.

Big Agnes Krumholtz UL2 mtnGLO

ເຕັ້ນພະລັງງານແສງອາທິດ ຂະໜາດເໝາະສຳລັບສອງຄົນ ທີ່ປະກອບໄປດ້ວຍຫລອດໄຟ LED ທີ່ຈະໃຫ້ຄວາມສະຫວ່າງໃນຍາມຄ່ຳຄືນ, ພັດລົມນ້ອຍທີ່ຈະເຮັດໃຫ້ທ່ານເຢັນສະບາຍບໍ່ຮູ້ສຶກອົບເອົ້າໃນເວລາພັກຜ່ອນ ແລະ ທີ່ຂາດບໍ່ໄດ້ຢ່າງແນ່ນອນກໍຄືແຜງ  Solar Cell ທີ່ຈະເຮັດໃຫ້ທ່ານສາກອຸປະກອນການເຊື່ອມຕໍ່ໄດ້ທຸກປະເພດ.

JetBoil Genesis System

ເຕົາສະໜາມ ຊຸດເຄື່ອງຄົວຂະໜາດພົກພາທີ່ມີທັງກະທະທີ່ເຄືອບດ້ວຍເຊຣາມິກ ແລະ ໝໍ້ຂະໜາດ 5 ລິດ ເຊິ່ງຖືກອອກແບບໃຫ້ຮ້ອນໄວແຖມມານຳ ໂດຍທຸກສ່ວນຈະຖືກລຽງຊ້ອນກັນເປັນແທ່ງຂະໜາດກະທັດຮັດເພື່ອໃຫ້ຄວາມສະດວກ ແລະ ງ່າຍໃນເວລາຂົນຍ້າຍ.

Eddie Bauer Flying Squirrel

ຖົງນອນຍ້່ອນຍຸກ ເປັນຖົງນອນທີ່ມີຄວາມພິເສດຢູ່ທີ່ການໃຊ້ກະດຸມແທນການໃຊ້ຊິບ ເຊິ່ງເປັນຮູບແບບທີ່ກັບມານິຍົມອີກຄັ້ງ ຖົງນອນລຸ້ນນີ້ຍັງມີນ້ຳໜັກເບົາ ຂະໜາດກະທັດຮັດ ແລະ ເໝາະສຳລັບຄ່ຳຄືນທີ່ບໍ່ໜາວຈັດ.