ຫ້ອງນອນເສຍເງິນ

ຫ້ອງນອນແບບໃດ?.. ສ່ຽງທີຈະເສຍເງິນຫຼາຍທີ່ສຸດຕາມຫລັກຮວງຈຸ້ຍ

ຫ້ອງນອນເປັນເລືອງທີ່ສໍາຄັນຫຼາຍເພາະເປັນສະຖານທີທ່ີເຮົາໃຊ້ໃນການພັກຜ່ອນຈາກຄວາມອິດເມື່ອຍໃນແຕ່ລະມື້, ເຖິງແນວໃດກໍ່ຕາມເຮົາສາມາດນໍາເອົາຫຼັກຂອງ ຮວງຈຸ້ຍ ມາປັບເຂົ້າກັບຫ້ອງນອນຂອງເຮົາໄດ້ ແລະ ມັນສາມາດສົ່ງຜົນກະທົບໃຫ້ການນອນລັບຂອງເຮົາໄດ້ດີຂື້ນກວ່າເກົ່າ ໄປຈົນຮອດການດໍາລົງຊິວິດ ຫຼື ປະກອບອາຊີບໃນດ້ານຕ່າງໆໄດ້ອີກ.

  1. ຕຽງນອນຢູ່ກ້ອງຄານ

ບໍ່​ຄວນ​ວາງ​ຕຽງນອນ​ໄວ້ກ່ອງ​ຄານ ເພາະ​ຖື​ວ່າ​ເປັນ​ຈຸດ​ທີ່​ບໍ່​ດີທີສຸດ ຈະຖືກພະລັງ​ກົດ​ທັບ​ຈາກ​ຄານ ແລະ ຈະ​ມີ​ຜົນ​ຕໍ່​ສຸກຂະພາບ ເຮັດໃຫ້​ຮ່າງກາຍ​ບໍ່​ແຂງ​ແຮງ, ເຈັບ​ປ່ວຍ​ໄດ້​ງ່າຍ ອາດ​ເຈັບຫົວ​ແລະ​ແໜ້ນ​ໜ້າເອີກ​ເລື້ອຍໆ, ຄູ່​ສົມ​ລົດ​ມັກ​ຈະ​ເກີດ​ຄວາມ​ບໍ່​ລົງໂຕ​ກັນ ຜິດຖຽງ​ກັນ​ຢູ່​ຕະຫລອດ​ເວລາ ແລະ​ຈະ​ມີ​ຜົນ​ຫລາຍ​ທີ່ສຸດຖ້າ​ຄານ​ມີ​ຂະໜາດ​ໃຫຍ່ ແລະ​ຢູ່​ໃກ້ໂຕເຮົາທີ່ສຸດ.

ວິທີ​ແກ້​ໄຂ

– ຄວນ​ຍ້າຍ​ຕຽງນອນ​ໄປ​ຢູ່ໃນ​ຕຳແໜ່ງ​ອື່ນ​ໃຫ້​ຫ່າງຈາກ​ຄານ​ນັ້ນ.
– ຖ້າບໍ່​ສາມາດ​ເຮັດ​ໄດ້ແມ່ນໃຫ້​ຕີເພດານ​ປິດ​ຄານ​ນັ້ນ​ເລີຍ.
– ໃຊ້​ຜ້າ​ຜືນ​ໃຫຍ່​ຂະໜາດ​ເທົ່າ​ກັບ​ຄວາມ​ກວ້າງ​ຂອງ​ຕຽງ ປິດ​ເທີງ​ຕຽງເພື່ອ​ບໍ່​ໃຫ້​ເຫັນ​ຄານ​ດັ່ງກ່າວ ແລະ​ເປັນ​ການ​ກະ​ຈາຍ​ພະລັງ​ງານ​ທີ່​ກົດ​ທັບ​ຂອງ​ຄານ​ໃຫ້​ລຸດ​ນ້ອຍ​ລົງ.

  1. ປິ່ນ​ຫົວ​ຕຽງ​ຕິດ​ຫ້ອງ​ນ້ຳ

ການຕັ້ງ​ຫົວ​ຕຽງ​ໄປຕິດ​ກັບ​ຝາ​ດ້ານ​ທີ່​ເປັນ​ຫ້ອງ​ນ້ຳ​ຖື​ວ່າເປັນສິ່ງທີ່​ບໍ່​ດີ ​ແລະ ​ຖ້າ​ວ່າ​ຈຸດ​ທີ່​ຕັ້ງ​ຂອງ​ຊັກໂຄກ​ກົງ​ກັບ​ຫົວ​ຕຽງ​ແລ້ວ​ຍິ່ງ​ເປັນສິ່ງທີບໍ່​ດີ​​ຫລາຍ ເພາະ​ຈະ​ເຮັດໃຫ້​ຜູ້​ຢູ່​ອາໄສ​ມີ​ອາລົມ​ປັ່ນປ່ວນໄດ້​ງ່າຍ ອາລົມ​ຂຶ້ນໆ ລົງໆ ດຽວ​ດີ​ດຽວ​ຮ້າຍ ຖ້າ​ຫ້ອງ​ນ້ຳ​ບໍ່​ມີ​ແດດ​ສ່ອງ​ເຖິງ ຈະ​ເຮັດໃຫ້ເປັນ​ພະຍາດ​ພູ​ມແພ້, ຫອບຫືດ ແລະ  ເຮັດໃຫ້ໂຊກລາບ​ຫາຍໄປ​ນໍາອີກ.

ວິທີ​ແກ້​ໄຂ

– ຄວນ​ຍ້າຍ​ຫົວ​ຕຽງປິ່ນ​ໄປ​ທາງ​ອື່ນ.
– ຖ້າ​ບໍ່​ສາມາດ​ປິ່ນ​ໄດ້ ໃຫ້​ເຮັດ​ສາກ​ກັ້ນ ຂຶ້ນ​ມາ​ອີກ​ຊັ້ນ​ໜຶ່ງ ເພື່ອ​ໃຫ້​ຕຽງ​ຢູ່​ຫ່າງ​ຈາກ​ຝາ ເພີ່ອບໍ່ໃຫ້ໄດ້ຍິນ​ສຽງ​ໃນ​ຫ້ອງ​ນ້ຳ ລວມ​ທັງຈະຊ່ວຍ​ປ້ອງ​ກັນ​ຄວາມຊຸມ​ທີ່​ສົ່ງ​ມາໃສ​ຫົວ​ເວລາ​ເຮົານອນ​ນໍາອີກ.

  1. ແວນແຕກໃນເຮືອນ​

ລອງ​ກວດເບີ່ງ​ພາຍ​ໃນ​ເຮືອນ​ຂອງ​ເຮົາ​ເບິ່ງ​ວ່າ ມີ​ແວນ​ບານ​ໃດ​ທີ່​ມີ​ຮອຍແຮກ, ຮອຍ​ແຕກ, ບິ່ນ ຫລື​ບໍ່? ເພາະ​ແວນ​ດັ່ງ​ກ່າວ​ຖື​ວ່າ​ເປັນ​ສິ່ງ​ທີ່​ບໍ່​ດີ  ເພາະ​ວ່າ​ມັນຈະ​ເຮັດໃຫ້​ຄວາມ​ສຳພັນ​ຂອງ​ຄົນ​ໃນ​ເຮືອນ ຈະ​ມີ​ແຕ່​ຄວາມ​ແຕກແຍກ ບໍ່​ສາມັກຄີ ​ປອງ​ດອງ​ກັນ ເກີດ​ການຜິດຖຽງ​ກັນ​ຢູ່​ຕະຫລອດ​ເວລາ ເຮືອນ​ໃດ​ທີ່​ມີ​ການ​ຜິດຖຽງ​ກັນເລື້ອຍ ໂຊກລາບການ​ເງີນ​ຈະ​ໜີ​ຫາຍ​ໄປຫມົດ.

ວິທີ​ແກ້​ໄຂ

– ຄວນ​ປ່ຽນແວນ​ທີ່​ມີ​ຮ່ອຍແຕກແລ້ວ​ເອົາ​ຖິ້ມ​ໄປ.
– ຝາ​ເຮືອນທີ່​ມີ​ຮອຍ​ແຕກຮອຍຄວນ​ຊ່ອມ​ແຊມ​ໃຫ້​ລຽບ​ນຽນ​ເຊັ່ນ​ກັນ.

ຖ້າໃຜມີຫ້ອງລັກສະນະດັ່ງກ່າວ ລອງກວດເບີງ ແລ້ວແກ້ໄຂຕາມວິທີນັ້ນ ແລ້ວເງີນໃນກະເປົ່າຂອງທ່ານຈະປອດໄຜຈາກຄ່າໃຊ້ຈ່າຍທີ່ບໍ່ຈຳເປັນ.