August 21, 2018 Content Feature News,

ຊີວິດລິຂິດເອງ : ດວງດາວທີ່ບໍ່ລໍຖ້າໃຫ້ລິຂິດຟ້າມາກໍານົດ

ບົດລະຄອນເພງ ຊີວິດລິຂິດເອງ ບົດເພງໂດຍ ເບີດ ທົງໄຊ ທີ່ເລົ່າເລື່ອງລາວຄວາມເປັນມາກ່ອນຈະມາເປັນ ກາເຟດາວ ໃນປັດຈຸບັນ ຖືວ່າເປັນການສະແດງລະຄອນເພງຊຸດພິເສດ ໃນຄໍ່າຄືນຂອງວັນທີ 8 ສິງຫາ 2018 ທີ່ຜ່ານມາ ເນື່ອງໃນໂອກາດຕ້ອນຮັບ ແລະ ຂອບໃຈຕົວແທນຈໍາຫນ່າຍ ທີ່ທາງກຸ່ມບໍລິສັດ ດາວເຮືອງ ຈຳກັດ ໄດ້ຈັດຂຶ້ນ. ນອກຈາກຈະເປັນການເພີ່ມສີສັນໃຫ້ແກ່ງານລ້ຽງແລ້ວ ບົດລະຄອນດັ່ງກ່າວໄດ້ຖ່າຍທອດເລື່ອງລາວເສັ້ນທາງເດີນທີ່ຍາກລໍາບາກຂອງຜູ້ກໍ່ຕັ້ງບໍລິສັດ ທ່ານນາງເລືອງ ລິດດັງ ຜ່ານຕົວລະຄອນນັກສະແດງຊື່ດັງ ທີ່ສື່ອາລົມອອກມາໄດ້ຢ່າງເລິກເຊິ່ງ ແລະ ເຊື່ອວ່າຈະເປັນທີ່ປະທັບໃຈ ທັງເປັນທີ່ຈົດຈໍາໃນຄຸນຄ່າຂອງ ກາເຟດາວ ສໍາລັບບັນດາແຂກຜູ້ຊົມໄດ້ເປັນຢ່າງດີ. “ເລື່ອງລາວທັງຫມົດໄດ້ເລີ່ມຕົ້ນຈາກ ແມ່ຂອງຂ້ອຍ” ປະໂຫຍກເປີດເລື່ອງທໍາອິດໄດ້ດັງຂຶ້ນ ຈາກສຽງຫວານໆຈາກນັກສະແດງສາວ ທີ່ຮັບບົດເປັນຄາຣອລ ລິດດັງ ຜູ້ເປັນລູກສາວກົກຂອງ ແມ່ເລືອງ ລິດດັງ. ບົົດເລື່ອງໄດ້ເລົ່າຍ້ອນເວລາກັບໄປ ໃຫ້ເຫັນພາບຂອງຊີວິດທີ່ສູ້ຊົນເລີ່ມຕົ້ນດ້ວຍສອງມືເປົ່າ ຕັ້ງແຕ່ສະໄຫມທີ່ແມ່ເລືອງຍັງນ້ອຍ ພວມເລາະຂາຍຫມາກກ້ວຍປີ້ງຕາມຕະຫລາດເພື່ອຫາເງິນລ້ຽງນ້ອງອີກ 8 ຄົນ ບາງມື້ຂາຍດີກໍໄດ້ກັບບ້ານໄວ ບາງມື້ບໍ່ໄດ້ຂາຍກໍໄດ້ອົດຢູ່ອົດກິນ. ຄວາມທຸກຍາກລໍາບາກເຖິງວ່າຈະເປັນອຸປະສັກ ໃນຂະນະດຽວກັນກໍປຽບເຫມືອນດັ່ງແຮງພັກດັນທີ່ເຮັດໃຫ້ ແມ່ເລືອງ ບໍ່ຍອມແພ້ຕໍ່ໂຊກຊະຕາ ແລະ ອົດທົນສູ້ເປັນທີ່ສຸດເພື່ອຊີວິດການເປັນຢູ່ທີ່ດີຂຶ້ນ. ເນື່ອງຈາກວ່າບໍ່ມີໂອກາດໄດ້ສຶກສາຮໍ່າຮຽນ ການໄດ້ຟັງຄໍາສອນທີ່ເລັດລອດອອກມາຈາກໂບດຄຸນແມ່ ໃນຂະນະທີ່ຂາຍກະແລ້ມ […]

Read More

ຄືນນີ້ມີແຕ່… ດາວ :: The Starry Night by Dao Coffee

ວັນທີ 8 ສິງຫາ 2018 ທີ່ຜ່ານມານີ້ ກຸ່ມບໍລິສັດ ດາວເຮືອງ ຈໍາກັດ ໄດ້ຈັດງານສຸດພິເສດທີ່ເອີ້ນວ່າ “ຄືນນີ້ມີແຕ່ດາວ” ເຊິ່ງຈັດຂຶ້ນເພື່ອຂອບໃຈຕົວແທນຈຳໜ່າຍ ກາເຟດາວ ຈາກທົ່ວປະເທດໄທ ຊຶ່ງທຸກຄົນ ຢູ່ໃນລະດັບ “ດາວ” ໃນວົງການ ຜູ້ບໍລິໂພກຜະລິດຕະພັນ ທີ່ຈະມາຮ່ວມ “ຈັບມືໄວ້ແລ້ວໄປນໍາກັນ” ກັບກຸ່ມບໍລິສັດ ດາວເຮືອງ ແລະ ບໍລິສັດ ເພນ ມາເກັດຕິງ ແອນ ດິສທຣີບິວຊັນ ຈຳກັດ (PENS Marketing and distributions Co., Ltd) ໂດຍພາຍໃນງານ ໄດ້ມີການນຳເລື່ອງລາວ ການເດີນທາງ ຈາກດິນສູ່ດາວ ຂອງຄອບຄົວ “ລິດດັງ” ມາຖ່າຍທອດ ຜ່ານລະຄອນເພງ ເລື່ອງ  “ຊີວິດລິຂິດເອງ” ຊຶ່ງເປັນບົດເພງ ຂອງຊຸບເປີສະຕາ ເມືອງໄທ  “ເບີດ ທົງໄຊ ແມັກອິນໄຕ” ເພື່ອໃຫ້ທຸກຄົນໄດ້ຮັບແຮງບັນດານໃຈ ໃນການຕໍ່ສູ້ຊີວິດ. “ຊີວິດລິຂິດເອງ” ແມ່ນລະຄອນເພງທີ່ສ້າງຂຶ້ນ ຈາກເລື່ອງຈິງ ເລົ່າເລື່ອງລາວການຕໍ່ສູ້ ຂອງຄອບຄົວລິດດັງ ທີ່ມຸ່ງໝັ້ນ […]

Read More

ດາວ ກຽມພ້ອມເປັ່ງແສງ :: ຮ່ວມມື ເພັນຊ໌ມາກເກັດຕິ້ງ ຈາກປະເທດໄທ ພ້ອມໃຈຮ່ວມກັນສົ່ງເສີມແລະຂະຫຍາຍກາເຟດາວເປັ່ງປະກາຍໃນຕະຫລາດຕ່າງປະເທດ

ວັນທີ 8 ສິງຫາ 2018 ທີ່ຜ່ານມາ ກຸ່ມບໍລິສັດ ດາວເຮືອງ ຈໍາກັດ ໄດ້ຕ້ອນຮັບເອົາຄະນະ PENS Marketing and Distribution ຈຳກັດ ເຂົ້າຢ້ຽມຊົມສວນກາເຟດາເຮືອງທີ່ພູພຽງບໍລະເວນ ແລະ ໂຮງງານຜະລິດກາເຟດາວ ເພື່  ອໃຫ້ບັນດາຕົວແທນຈໍາຫນ່າຍໄດ້ເຂົ້າໃຈຢ່າງເລິກເຊິ່ງໃນຂະບວນຜະລິດທີ່ທັນສະໄຫມ ແລະ ມີການຍອມຮັບມາດຕະຖານສາກົນ ທັງຍັງມີການຈັດສໍາມະນາ ປະຊາສໍາພັນໃຫ້ຕົວແທນຈຳຫນ່າຍລາຍໃຫຍ່ເພື່ອພ້ອມທີ່ຈະຈັບມືໄວ້ແລ້ວໄປນໍາກັນ ໃຫ້ກາເຟດາວເປັ່ງແສງຮຸ່ງເຮືອງທົ່ວປະເທດໄທ ແລະ ທົ່ວພາກພື້ນອາຊຽນ ປັດຈຸບັນ ດາວ ຄອຟຟີ ຫລື ກາເຟດາວ ຊື່ທີ່ຮູ້ຈັກກັນດີ ບໍ່ພຽງແຕ່ເປັນເຈົ້າຕະຫລາດຫລັກໃນລາວເທົ່ານັ້ນ ຍັງໄດ້ກາຍເປັນແບຣນສິນຄ້າທີ່ເຂົ້າເຖິງກຸ່ມບໍລິໂພກໃນປະເທດໄທນັບມື້ນັບຫລາຍຂຶ້ນ ທັງຍັງສືບຕໍ່ເຕີບໃຫຍ່ ແລະ ຈະກ້າວໄປສູ່ຕະຫລາດໃນຫລາຍປະເທດໃນອາຊຽນ ໂດຍມີຄວາມຄາດຫວັງຈະເປັນຜູ້ນໍາດ້ານຕະຫລາດກາເຟໃນອາຊຽນ ຕາມວິໄສທັດຂອງ ທ່ານນາງ ບຸນເຮືອງ ແຄຣອລ ລິດດັງ ຮອງປະທານ ກຸ່ມບໍລິສັດດາວເຮືອງ ຈໍາກັດ. ການຮ່ວມມືກັບ PENS Marketing and Contribution ບໍລິສັດທີ່ມີຊື່ສຽງໃນການດ້ານການຈັດຈໍາຫນ່າຍສິນຄ້າທີ່ມີຄຸນນະພາບສູງໃນປະເທດໄທ ແລະ ປະຊາຄົມເສດຖະກິດອາຊຽນ ສົມທົບກັບຄວາມກຽມພ້ອມຂອງຜະລິດຕະພັນດາວທີ່ໄດ້ຖືກຮັບຮອງ […]

Read More
July 25, 2018 Feature News,

Timeline ເຫດໄພພິບັດທີ່ເມືອງສະຫນາມໄຊ ແຂວງອັດຕະປື ແລະການປະເມີນສະຖານະການປະຈຸ

ນັບໄດ້ວ່າເປັນ ເຫດການຂ່າວ ທີ່ພີ່ນ້ອງປະຊາຊົນລາວໃຫ້ການຕິດຕາມວິນາທີຕໍ່ວິນາທີ, ສຳລັບເຫດການນຳ້ຖ້ວມຈາກເຂື່ອນເຊປຽນ ເຊນຳ້ນ້ອຍ (ທີ່ຢູ່ໃນລະຫວ່າງການກໍ່ສ້າງ) ແຕກ ເຮັດໃຫ້ນຳ້ໄຫລທະລັກເຂົ້າຖ້ວມບ້ານເຮືອນປະຊາຊົນ ຈົນເກີດຄວາມເສຍຫາຍ ທັງຊີວິດແລະຊັບສິນຢ່າງຫລວງຫລາຍ ທີ່ໄດ້ຮັບຜົນກະທົບອັນຫນ້າສະເທືອນໃຈນີ້.   ປະຈຸບັນຫລາຍໆພາກສ່ວນກໍ່ໄດ້ເຂົ້າໃຫ້ການຊ່ວຍເຫລືອຫລັງຈາກທີ່ເກີດເຫດການທັນທີ ເຫັນໄດ້ເຊິ່ງຄວາມສາມັກຄີຂອງເພື່ອນຮ່ວມຊາດ ແລະປະເທດບ້ານໃກ້ເຮືອນຄຽງເອງກໍ່ເຊັ່ນດຽວກັນ. ທາງກອງບັນນາທິການລາຍນ໌ ກໍ່ຂໍເປັນກຳລັງໃຈແລະພາວະນາບໍ່ໃຫ້ເກີດຄວາມສູນເສຍທີ່ຮ້າຍແຮງໄປຫລາຍກວ່ານີ້. ເປັນເວລາກວ່າ 2ວັນທີ່ປະຊາຊົນຕ້ອງປະເຊີນກັບຄວາມໂຫດຮ້າຍຂອງກະແສນຳ້ທີ່ໄຫລຈາກເຂື່ອນ.ເຮົາຈະມາລຳດັບເຫດການແລະ Timeline ຂອງເຫດການດັ່ງເພື່ອໃຫ້ທຸກຄົນ ເຂົ້າໃຈເລື່ອງລາວແລະເຫດການຫລາຍຂຶ້ນ.   ຜ່ານພົ້ນມື້ນີ້ ເຫດການນຳ້ຖ້ວມທີ່ອັດຕະປື ຈະກ້າວເຂົ້າສູ່ມື້ທີ່ 3, ການຊ່ວຍເຫລືອຍັງຄົງຖືກສົ່ງໄປຍັງພື້ນທີ່ຢ່າງຕໍ່ເນື່ອງ ຫວັງວ່າ ທາງລັດຖະບານ ແລະຫນ່ວຍງານຄວບຄຸມໄພພິບັດຈະສາມາດຫາທາງແກ້ໄຂ ແລະຢຸດປະລິມານນຳ້ໄດ້ໂດຍໄວ, ຮັບປະກັນວ່າເຂື່ອນຈະບໍ່ແຕກອີກ.   ປະຈຸບັນທາງລັດຖະບານໄດ້ປະກາດໃຫ້ພື້ນທີ່ເຂດນຳ້ຖ້ວມເປັນເຂດໄພພິບັດສູນເສຍລະດັບຊາດ ການປະເມີນຄວາມເສຍຫາຍ ຍັງບໍ່ມາດປະເມີນໄດ້     ພາບຈາກ : Attapeu Today

Read More
May 11, 2018 Feature News,

ມູນນິທິສັນຕິພາບນານາຊາດ ຫລື International Peace Foundation ສືບຕໍ່ໂຄງການ Bridges Dialogues Towards a Culture of Peace ເປັນຄັ້ງທີ7ໃນອາຊຽນ ແລະ ການເປັນເຈົ້າພາບຄັ້ງ ທຳອິດຂອງ ສປປ ລາວ.

ໂຄງການ Bridges Dialogues Towards a Culture of Peace ທີ່ຈັດໂດຍໄດ້ ມູນນິທິສັນຕິພາບນານາຊາດ ມີພິທີເປີດຢ່າງເປັນທາງການ ກ່ຽວກັບການເດີນສາຍບັນຍາຍ ຂອງ 4 ເຈົ້າຂອງລາງວັນໂນເບວ ໃນ ສປປ ລາວ ສປປ ລາວໄດ້ເປັນເຈົ້າພາບຕ້ອນຮັບໂຄງການນີ້ເປັນຄັ້ງທຳອິດຫລັງຈາກທີ່ເດີນສາຍຈັດມາແລ້ວເຖິງ 7ຄັ້ງ.  ເມື່ອວັນທີ 4-10 ພຶດສະພາທີ່ຜ່ານມານີ້ ທ່ານ ອູເວ ໂມຣາເວຊ (Uwe Morawetz) ປະທານຄະນະກຳມະການຜູ່ກໍ່ຕັ້ງມູນນິທິສັນຕິພາບນານາຊາດແລະໄດ້ຮັບກຽດຈາກຄະນະທີ່ປຶກສານານາຊາດຂອງມູນນິທິ ເຈົ້າຊາຍ ອາລເຟຣັດ ແຫ່ງ ປະເທດ ລີກເຄນສະໄຕລ໌ ໄດ້ເດີນທາງມາຍັງສປປ ລາວ ເພື່ອຢ້ຽມແລະເຂົ້າພົບກັບບັນດາການນຳລາວໃນສາຂາທີ່ກ່ຽວຂ້ອງ ແລະ ທ່ານນາຍົກ ລັດຖະມົນຕີ ທ່ານ ທອງລຸນ ສີສຸລິດ ໄດ້ຕ້ອນຮັບເຈົ້າຊາຍຢ່າງອົບອຸ່ນ. ໃນຄຳ່ຄືນຂອງວັນທີ 9 ພຶດສະພາ ທີ່ໂຮງແຮມ ຄຣາວພລາຊ່າ ເຈົ້າຊາຍ ອາລເຟຣັດ ຍັງໄດ້ເປັນປະທານກ່າວເປີດງານຢ່າງເປັນທາງການ ທີ່ຫວັງວ່າຈະໄດ້ຮັບຜົນສຳເລັດຢ່າງສະຫງ່າງາມ.   […]

Read More
May 8, 2018 Content Feature News,

SCG ຊວນ Lines ແລະສື່ມວນຊົນບູກງານ ສະຖາປະນິກ 18’ ເພື່ອເນັ້ນຄວາມເປັນຜູ້ນຳດ້ານ CEMENT EXPERT ແລະ INNOVATION ຂອງພາກພື້ນ.

ໝູນວຽນມາອີກຄັ້ງກັບໂຄງການ SCG ASEAN PRESS TOUR ປະຈໍາປີ ທີ່ໄດ້ເປີດໂອກາດ ໃຫ້ແກ່ ບັນດາສື່ມວນຊົນຈາກຫຼາກຫຼາຍປະເທດໃນອາຊຽນເຂົ້າມາສຳຜັດກັບຄວາມຍິ່ງໃຫຍ່ ແລະ ຕື່ນຕາໄປກັບ ຄວາມກ້າວໜ້າ ທາງດ້ານຂະບວນການຄົ້ນຄິດ ຜະລິດຕະພັນ ທີ່ເປັນໝາກຜົນອັນໂດດເດັ່ນຂອງ SCG ຜູ້ນຳທາງດ້ານເຕັກໂນໂລຊີການກໍ່ສ້າງທີ່ເປັນມິດຕໍ່ສິ່ງແວດລ້ອມ ແລະ ການພັດທະນາທີ່ບໍ່ຢຸດຢັ້ງ ຂອງພາກພື້ນ.   ເຊິ່ງໃນປີນີ ພາຍໃນງານສະຖາປະນິກ 18’ ທີ່ຈັດຂຶ້ນລະຫວ່າງວັນທີ 1-6 ພຶດສະພາ 2018,  ພາຍໃຕ້ແນວຄວາມຄິດ PASSION FOR BETTER LIVING SCG ກໍ່ຍັງເປັນ ຜູ້ນໍາທາງດ້ານຄວາມຄິດທີ່ບໍ່ເຄີຍເຮັດໃຫ້ ຜິດຫວັງ ໂດຍໄດ້ຍົກທັບບັນດານະວັດຕະກຳຂອງຜະລິດຕະພັນກໍ່ສ້າງ ແລະ ເທັກໂນໂລຊີໃໝ່ໆ ທີ່ຮອງຮັບການສ້າງຄວາມສະດວກສະບາຍໃຫ້ແກ່ການຢູ່ອາໄສ ມາວາງສະແດງຢ່າງອະລັງການ.            ເນັ້ນຫນັກຄວາມເປັນ CEMENT EXPERT ຫລື ຜູ້ນຳດ້ານສີມັງຂອງ SCG. ການສ້າງສັນນະວັດຕະກຳ ທີ່ຈີກຂໍ້ຈຳກັດຂອງປູນສີມັງໂດຍການເພີ່ມຄວາມສວຍງາມ […]

Read More
January 10, 2018 Content Lines Online,

ນີ້ຫວະ VIRAL? (ມີຄລິບ!!!) ການຕະຫລາດແບບ ປາກຕໍ່ປາກ Viral Marketing ແລະຄລິບໄວຣອລ ທີ່ຖືກເວົ້າເຖິງຕະຫລອດການ

source: Branded.com ໃນໄລຍະທີ່ຜ່ານມາທ່ານອາດຈະເຄີຍໄດ້ຍິນ ຄຳວ່າ Viral ຜ່ານຫູກັນມາ, ໂດຍສະເພາະຜູ້ທີ່ເຮັດວຽກໃນສາຍຂອງການຕະຫລາດ ຫລື ບັນດາທ່ານທີ່ເສບຂ່າວຈາກ Social Media ເຊິ່ງປະຕິເສດບໍ່ໄດ້ວ່າເກືອບທຸກຄົນ, ແລະບາງທ່ານອາດຈະຕົກຫລຸມກົນໄກການຕະຫລາດແບບ ໄວຣອລ ນີ້ມາແລ້ວ. ມື້ນີ້ເຮົາຈະມາທຳຄວາມຮູ້ຈັກວ່າ ການຕະຫລາດ ແບບ ໄວຣອລ ຫລືການຕະຫລາດແບບສ້າງກະແສປາກຕໍ່ປາກນັ້ນເປັນແນວໃດ. Viral ແມ່ນຫຍັງ ສະຫລຸບໄດ້ງ່າຍໆວ່າ ແມ່ນການສື່ສານປາກຕໍ່ປາກ ຜ່ານສື່ສັງຄົມອອນລາຍນ໌ຕ່າງໆ ບໍ່ວ່າຈະເປັນ Facebook , twitter, ຫລືອື່ນໆ ທີ່ມີການເວົ້າເຖິງກັນໄປເປັນທອດໆ, ກະແສໃຫ້ຄົນເວົ້າເຖິງໃນສັງຄົມ ຖືກແຊຣ໌ຕໍ່ກັນໄປ ແລະເປັນຮູບແບບການກະຈາຍທີ່ວ່ອງໄວທີ່ສຸດ. ຕໍ່ມາຈຶ່ງມີການນຳຮູບແບບການສື່ສານແບບ ໄວຣອລນີ້ມາໃຊ້ກັບການຕະຫລາດ ເຊິ່ງຖ້າຫາກວ່າປະສົບຜົນສຳເລັດໃນການສ້າງໄວຣອລ ຈະເປັນການໂຄສະນາຫລືການຕະຫລາດທີ່ຕົ້ນທືນຕຳ່ທີ່ສຸດ ແຕ່ໄດ້ຜົນຕອບຮັບແບບເກິນຄາດ.  ແລະຄຳວ່າ Viral Marketing ໂດຍຊື່ຂອງມັນກໍ່ມາຈາກ ຮູບແບບການໂຄສະນາຜ່ານສື່ ຫລື Social Network ທີ່ເປັນຮູບແບບທີ່ກະຈາຍໄດ້ວ່ອງໄວ ແບບ ໄວຣັສ ດຽວນີ້ໂລກປ່ຽນໄປ ເພາະວ່າທຸກຄົນມີ smart phone ຫລືອຸປະກອນພົກພາ […]

Read More
January 9, 2018 Content Feature News,

EVENTS ເດືອນມັງກອນ 2018 ທີ່ທ່ານບໍ່ຄວນພາດ

ມີງານອີເວັ້ນຫຍັງຫນ້າສົນໃຈເປັນຕາໄປຮ່ວມໃນເດືອນທຳອິດຂອງປີ2018 ກ້າວເຂົ້າສູ່ປີໃຫມ່ ເດືອນມັງກອນອາດຈະເປັນເດືອນແຫ່ງການເລີ່ມຕົ້ນໃຫມ່ຂອງຫລາຍໆຄົນ ຄືຈະດີ ຖ້າຫາກເດືອນແຫ່ງການເລີ່ມຕົ້ນໃຫມ່ ເຮົາສາມາດຊອກຫາແຮງບັນດານໃຈຈາກງານສັງຄົມຕ່າງໆ ແລະງານທີ່ລາຍນ໌ຈະແນະນຳໃຫ້ໄປຫອບແຮງບັນດານໃຈ ຫລືຄວາມບັນເທີງກັບບ້ານ ໃນເດືອນນີ້ນັ້ນ ມີຫລາກຫລາຍງານດັ່ງນີ້ ງານທີ 1 : ງານ ART LINK Event  ຂອງຄົນມັກເສບງານສິລະປະ ໂດຍງານນີ້ມີການວາງສະແດງຜົນງານສິລະປະຈາກອິນໂດນີເຊຍ ຮ່ວມກັບສິລປິນ ລາວ ເຊັ່ນ ບຸນໂປນ ໂພທິສານ, ໂອເລ ສະໂກວິວ, ໂສມທິດາ ງານເລີ່ມຕັ້ງແຕ່ ວັນທີ 8-15 ນີ້ ທີ່ ICAT ນະຄອນຫລວງວຽງຈັນ ງານທີ2: ງານບຸນປີໃຫມ່ຍີ່ປຸ່ນ ງານທີ່ ສາຍວັດທະນະທຳບໍ່ຄວນປ່ອຍຜ່ານ,​ ງານນີ້ຈັດຂຶ້ນທີ່ ສະຖາບັນ ລາວ-ຍີ່ປຸ່ນ ດົງໂດກ ວັນທີ່ຈັດງານແມ່ນວັນທີ 13 ມັງກອນນີ້ ຈອງບັດໄດ້ທີ່ www.lji.edu.la ງານທີ 3: ງານ EMERGING ART FAIR ງານນີ້ຈັດຂຶ້ນທີ່ Stella […]

Read More
December 1, 2017 Content Feature,

EVENT ສົ່ງທ້າຍປີ 2017 ທີ່ທ່ານບໍ່ຄວນພາດ

ເດີນທາງມາຮອດ ເດືອນ ສຸດທ້າຍຂອງປີ ກັນເປັນທີ່ຮຽບຮ້ອຍ ເດືອນທັນວາ ທີ່ຊິຫນາວກະບໍ່ໜາວ ຂອງປະເທດລາວນັ້ນ, ມີງານຫຍັງເປັນຕາໄປຫລິ້ນແນ່ ເພື່ອເປັນຄວາມຊົງຈຳທີ່ດີສົ່ງທ້າຍປີ 2017 ທີ່ເມື່ອຍກັນມາແບບ 12 ເດືອນເຕັມໆ ກັບອີເວັນ ທີ່ລາຍນ໌ເກັບມາເພື່ອໃຫ້ທ່ານເລືອກສັນກັນໄປມ່ວນ ມັນກັນແບບສຸດໆ ເລີ່ມຈາກງານ ທີ່ເອີ້ນຄວາມສົນໃຈຈາກເຮົາໃນທຸກໆປິ ງານມະຫາກຳຮູບເງົາຫລວງພຣະບາງ ມາເທື່ອໃດກໍ່ເຮັດໃຫ້ປະທັບໃຈໃນທຸກເທື່ອ  ປີນີ້ ເລີ່ມຈັດກັນຕັ້ງແຕ່ວັນທີ 8-13 ທັນວານີ້ ໃຜທີ່ມັກຮູບເງົາ ແລະຢາກສຳຜັດລົມໜາວເມືອງຫລວງພະບາງກໍ່ພາກັນໄປໄດ້ເລີຍເດີ ງານນີ້ ມີຮູບເງົາຈາກຫລາກຫລາຍປະເທດອາຊຽນມາສາຍຢ່າງໜາແໜ້ນ ຕິດຕາມຕາຕະລາງການສາຍຮູບເງົາ ແລະ ລາຍລະອຽດຕ່າງໆໄດ້ທີ່ ເພຈ Luang Prabang film ຫລືທາງວາລະສານລາຍນ໌ສະບັບທີ 8 ຕໍ່ມາແມ່ນ ງານ Lao coffee festival ງານເທສະການກາເຟລາວ ຄັ້ງທີ2 ຈັດຂຶ້ນໃນວັນທີ 10-12 ເດືອນທັນວາ ນີ້ ທີ່ໂຮງແຮມແລນມາຣ໌ກນະຄອນຫລວງວຽງຈັນ,ເອີ້ນວ່າເປັນງານທີ່ເອົາໃຈຄໍກາເຟກັນແບບຈຸໃຈ 2ມື້ເລີຍ  ພາຍໃນງານທ່ານຈະໄດ້ພົບກັບກິດຈະກຳທີ່ຫລາກຫລາຍ ເຊັ່ນ ການແຂ່ງຂັນ Baristar ແລະອື່ນໆ […]

Read More
November 16, 2017 News,

ງານເປີດໂຕໂຄງການ ໂຄງການແນວຄິດລິເລີ່ມ “ຜູ້ສ້າງອະນາຄົດ” ຂອງບໍລິສັດບອສຈ ເກີດຂື້ນຢ່າງສົມບູນ ຈາກຄວາມຄິດໃຫມ່ໆໄປສູ່ຄວາມຈິງ

ໃນວັນທີ 15 ພະຈິກ 2017, ວຽງຈັນ, ປະເທດລາວ, ບໍລິສັດບອສຈ ຜູ້ສະໜອງເຕັກໂນໂລຊີ ແລະການບໍລິການຊັ້ນນຳຂອງໂລກຮ່ວມກັບພາກວິສະວະກຳສາດ(ຄວສ) ມະຫາວິທະຍາໄລແຫ່ງຊາດ, ໃນມື້ນັ້ນໄດ້ເປີດໂຕອາຄານຮຽນຮູ້ ສ້າງແຮງບັນດານໃຈຂອງບໍລິສັດບອສຈ ພາຍໃຕ້ໂຄງການ “ຜູ້ສ້າງອະນາຄົດ”. ອາຄານທີ່ມີຂະໜາດຕັ້ງຢູ່ 36 ມ² ແມ່ນໄດ້ຮັບການອອກແບບໂດຍນັກວິສະວະກອນໜຸ່ມ 3 ຄົນ ແມ່ນມີ ທ່ານ ອະນຸສອນ ສິສຸທຳ, ທ່ານ ສຸພະໄຊ ໄຊຍະວົງ ແລະ ທ່ານ ນຸສິນ ນຳມານິນິນ ເຊິ່ງເປັນຜູ້ທີ່ປ່ຽນຖ່າຍພື້ນທີ່ຖັງນ້ຳທີ່ບໍ່ໄດ້ໃຊ້ໃຫ້ກາຍເປັນສະຖານທີ່ຮຽນຮູ້ສ້າງສັນ ແລະ ຍືນຍົງ. ງານດັ່ງກ່າວ ເປີດພິທີໂດຍທ່ານ ດຣ. ສົມສີ ຍໍພັນໄຊ, ອະທິການບໍດີ ມະຫາວິທະຍາໄລແຫ່ງຊາດ ແລະ ທ່ານ ແອັນດຣິວ ເດ ຈອງ, ຜູ້ອຳນວຍການໃຫຍ່ບໍລິສັດບອສຈ ແຫ່ງປະເທດລາວ, ກຳປູເຈຍ ແລະ ມຽນມາ. ໂຄງການ “ຜູ້ສ້າງອະນາຄົດ”ມີຈຸດປະສົງແກ້ບັນຫາຢ່າງສ້າງສັນສຳຫຼັບໄວໜຸ່ມ ແລະ ເປັນໃຈກາງຄວາມມຸ້ງໝັ້ນຂອງບໍລິສັດບອສຈ […]

Read More