March 6, 2018 Content Lines Online,

ຫ້ອງນອນເສຍເງິນ

ຫ້ອງນອນແບບໃດ?.. ສ່ຽງທີຈະເສຍເງິນຫຼາຍທີ່ສຸດຕາມຫລັກຮວງຈຸ້ຍ ຫ້ອງນອນເປັນເລືອງທີ່ສໍາຄັນຫຼາຍເພາະເປັນສະຖານທີທ່ີເຮົາໃຊ້ໃນການພັກຜ່ອນຈາກຄວາມອິດເມື່ອຍໃນແຕ່ລະມື້, ເຖິງແນວໃດກໍ່ຕາມເຮົາສາມາດນໍາເອົາຫຼັກຂອງ ຮວງຈຸ້ຍ ມາປັບເຂົ້າກັບຫ້ອງນອນຂອງເຮົາໄດ້ ແລະ ມັນສາມາດສົ່ງຜົນກະທົບໃຫ້ການນອນລັບຂອງເຮົາໄດ້ດີຂື້ນກວ່າເກົ່າ ໄປຈົນຮອດການດໍາລົງຊິວິດ ຫຼື ປະກອບອາຊີບໃນດ້ານຕ່າງໆໄດ້ອີກ. ຕຽງນອນຢູ່ກ້ອງຄານ ບໍ່​ຄວນ​ວາງ​ຕຽງນອນ​ໄວ້ກ່ອງ​ຄານ ເພາະ​ຖື​ວ່າ​ເປັນ​ຈຸດ​ທີ່​ບໍ່​ດີທີສຸດ ຈະຖືກພະລັງ​ກົດ​ທັບ​ຈາກ​ຄານ ແລະ ຈະ​ມີ​ຜົນ​ຕໍ່​ສຸກຂະພາບ ເຮັດໃຫ້​ຮ່າງກາຍ​ບໍ່​ແຂງ​ແຮງ, ເຈັບ​ປ່ວຍ​ໄດ້​ງ່າຍ ອາດ​ເຈັບຫົວ​ແລະ​ແໜ້ນ​ໜ້າເອີກ​ເລື້ອຍໆ, ຄູ່​ສົມ​ລົດ​ມັກ​ຈະ​ເກີດ​ຄວາມ​ບໍ່​ລົງໂຕ​ກັນ ຜິດຖຽງ​ກັນ​ຢູ່​ຕະຫລອດ​ເວລາ ແລະ​ຈະ​ມີ​ຜົນ​ຫລາຍ​ທີ່ສຸດຖ້າ​ຄານ​ມີ​ຂະໜາດ​ໃຫຍ່ ແລະ​ຢູ່​ໃກ້ໂຕເຮົາທີ່ສຸດ. ວິທີ​ແກ້​ໄຂ – ຄວນ​ຍ້າຍ​ຕຽງນອນ​ໄປ​ຢູ່ໃນ​ຕຳແໜ່ງ​ອື່ນ​ໃຫ້​ຫ່າງຈາກ​ຄານ​ນັ້ນ. – ຖ້າບໍ່​ສາມາດ​ເຮັດ​ໄດ້ແມ່ນໃຫ້​ຕີເພດານ​ປິດ​ຄານ​ນັ້ນ​ເລີຍ. – ໃຊ້​ຜ້າ​ຜືນ​ໃຫຍ່​ຂະໜາດ​ເທົ່າ​ກັບ​ຄວາມ​ກວ້າງ​ຂອງ​ຕຽງ ປິດ​ເທີງ​ຕຽງເພື່ອ​ບໍ່​ໃຫ້​ເຫັນ​ຄານ​ດັ່ງກ່າວ ແລະ​ເປັນ​ການ​ກະ​ຈາຍ​ພະລັງ​ງານ​ທີ່​ກົດ​ທັບ​ຂອງ​ຄານ​ໃຫ້​ລຸດ​ນ້ອຍ​ລົງ. ປິ່ນ​ຫົວ​ຕຽງ​ຕິດ​ຫ້ອງ​ນ້ຳ ການຕັ້ງ​ຫົວ​ຕຽງ​ໄປຕິດ​ກັບ​ຝາ​ດ້ານ​ທີ່​ເປັນ​ຫ້ອງ​ນ້ຳ​ຖື​ວ່າເປັນສິ່ງທີ່​ບໍ່​ດີ ​ແລະ ​ຖ້າ​ວ່າ​ຈຸດ​ທີ່​ຕັ້ງ​ຂອງ​ຊັກໂຄກ​ກົງ​ກັບ​ຫົວ​ຕຽງ​ແລ້ວ​ຍິ່ງ​ເປັນສິ່ງທີບໍ່​ດີ​​ຫລາຍ ເພາະ​ຈະ​ເຮັດໃຫ້​ຜູ້​ຢູ່​ອາໄສ​ມີ​ອາລົມ​ປັ່ນປ່ວນໄດ້​ງ່າຍ ອາລົມ​ຂຶ້ນໆ ລົງໆ ດຽວ​ດີ​ດຽວ​ຮ້າຍ ຖ້າ​ຫ້ອງ​ນ້ຳ​ບໍ່​ມີ​ແດດ​ສ່ອງ​ເຖິງ ຈະ​ເຮັດໃຫ້ເປັນ​ພະຍາດ​ພູ​ມແພ້, ຫອບຫືດ ແລະ  ເຮັດໃຫ້ໂຊກລາບ​ຫາຍໄປ​ນໍາອີກ. ວິທີ​ແກ້​ໄຂ – ຄວນ​ຍ້າຍ​ຫົວ​ຕຽງປິ່ນ​ໄປ​ທາງ​ອື່ນ. – ຖ້າ​ບໍ່​ສາມາດ​ປິ່ນ​ໄດ້ ໃຫ້​ເຮັດ​ສາກ​ກັ້ນ ຂຶ້ນ​ມາ​ອີກ​ຊັ້ນ​ໜຶ່ງ ເພື່ອ​ໃຫ້​ຕຽງ​ຢູ່​ຫ່າງ​ຈາກ​ຝາ ເພີ່ອບໍ່ໃຫ້ໄດ້ຍິນ​ສຽງ​ໃນ​ຫ້ອງ​ນ້ຳ […]

Read More
March 5, 2018 Content Lines Online,

ຈຸດເດັ່ນໃນຫ້ອງຄົວ – Kitchen Make Up

ໂທນສີທີຄົນສ່ວນຫລາຍມັກຈະເລືອກໃຊ້ໃນການຕົບແຕ່ງຫ້ອງຄົວກິນ ແມ່ນໂທນສີອ່ອນໆນັ້ນເປັນທາງເລືອກທີ່ດີສໍາລັບຫ້ອງຄົວ ເພາະຈະຊ່ວຍໃຫ້ຫ້ອງຄົວກິນຂອງທ່ານ ມີອາຍຸໃຊ້ງານໄປໃນໄລຍະຍາວ ແລະສາມາເພີ່ມລູກຫລີ້ນ, ສີສັນ ໄດ້ຫລາຍກວ່າການທີເຮົາຈະເລືືອກທີແຮງ ຫລືເຂັ້ມເກີນໄປ. Lines tool ສະບັບນີ້ຂໍແນະນຳການຕົບແຕ່ງຫ້ອງຄົວກິນດ້ວຍ Pop Color (ສີເຂັ້ມບາງພາກສ່ວນ) ເພື່ອເຮັດໃຫ້ຫ້ອງຄົວມີຊິວິດຊິວາຂື້ນໄດ້, ສາມາດສ້າງຮູບລັກສະນະທີ່ດຶງດູດສາຍຕາໄປທີ່ຫ້ອງຄົວຂອງທ່ານ ແລະ ຍັງເປັນເລືອງທີ່ງ່າຍຫລາຍທຸກຄົນກໍ່ສາມາດເຮັດໄດ້. 3. ເຄື່ອງໃຊ້ໄຟຟ້າໃນຫ້ອງຄົວ (Appliances) ຄ້າຍຄືກັນກັບອ່າງລ້າງພາຊະນະ ທີ່ມີການອອກແບບເຄື່ອງໃຊ້ພາຍໃນຄົວທີ່ມີການປ່ຽນແປງໄປໃນແຕ່ລະປີ, ເຊີ່ງແຕ່ກ່ອນຕົວເລືອກຂອງເຄື່ອງໃຊ້ໄຟຟ້າໃນຫ້ອງຄົວມີພຽງແຕ່ສີຂອງໄມ້, ສີຂາວ, ສີດໍາ ແລະ ສະແຕນແລດ. ແຕ່ໃນປັດຈຸບັນທ່ານສາມາດຊື້ເຄື່ອງໃຊ້ທີ່ສາມາດກໍານົດສີເອງໄດ້ເຊັ່ນ ສີຟ້າ, ສີສົ້ມ, ສີຂຽວ, ສີແດງ ແລະ ອີກຫຼາຍໆສີ. ສີເຫລົ່ານັ້ນສາມາດປ່ຽນໄດ້ຕາມລັກສະນະຂອງຫ້ອງຄົວທ່ານ ໂດຍບໍ່ຈໍາເປັນທີຈະຕ້ອງອອກແບບ ຫລື ຈັດສັນຫ້ອງຄົວທ່ານໃຫມ່. 4. ເຄື່ອງໃຊ້ໃນຫ້ອງຄົວ (Furniture) ໃນການທີ່ຈະເພີ່ມອົງປະກອບໃຫ້ກັບຫ້ອງຄົວຂອງເຮົາໃຫ້ສົມບູນ ແລະ ສະດຸດຕາໄດ້ບໍ່ຈໍາເປັນຕ້ອງໄປຫາໃຫ້ຢາກ ພຽງແຕ່ຊອກຫາໂຟນິເຈີທີ່ມີສິສັນເຊັ່ນ: ສີຕັ່ງທີ່ສົດໃສ, ສີອຸປະກອນຕ່າງໆທີ່ເຂັ້ມກວ່າ ເທົ່ານັ້ນທ່ານກໍ່ສາມມາດເພີ່ມຮູບແບບທີ່ສະດຸດຕາໃຫ້ກັບຫ້ອງຄົວຂອງທ່ານໄດ້ແລ້ວ. 1. ການຕິດຕັ້ງໄຟ (Light Fixture) ໂຄມໄຟ ແມ່ນວິທີໜືງທີສາມາດເພີ່ມ […]

Read More
January 10, 2018 Content Lines Online,

ນີ້ຫວະ VIRAL? (ມີຄລິບ!!!) ການຕະຫລາດແບບ ປາກຕໍ່ປາກ Viral Marketing ແລະຄລິບໄວຣອລ ທີ່ຖືກເວົ້າເຖິງຕະຫລອດການ

source: Branded.com ໃນໄລຍະທີ່ຜ່ານມາທ່ານອາດຈະເຄີຍໄດ້ຍິນ ຄຳວ່າ Viral ຜ່ານຫູກັນມາ, ໂດຍສະເພາະຜູ້ທີ່ເຮັດວຽກໃນສາຍຂອງການຕະຫລາດ ຫລື ບັນດາທ່ານທີ່ເສບຂ່າວຈາກ Social Media ເຊິ່ງປະຕິເສດບໍ່ໄດ້ວ່າເກືອບທຸກຄົນ, ແລະບາງທ່ານອາດຈະຕົກຫລຸມກົນໄກການຕະຫລາດແບບ ໄວຣອລ ນີ້ມາແລ້ວ. ມື້ນີ້ເຮົາຈະມາທຳຄວາມຮູ້ຈັກວ່າ ການຕະຫລາດ ແບບ ໄວຣອລ ຫລືການຕະຫລາດແບບສ້າງກະແສປາກຕໍ່ປາກນັ້ນເປັນແນວໃດ. Viral ແມ່ນຫຍັງ ສະຫລຸບໄດ້ງ່າຍໆວ່າ ແມ່ນການສື່ສານປາກຕໍ່ປາກ ຜ່ານສື່ສັງຄົມອອນລາຍນ໌ຕ່າງໆ ບໍ່ວ່າຈະເປັນ Facebook , twitter, ຫລືອື່ນໆ ທີ່ມີການເວົ້າເຖິງກັນໄປເປັນທອດໆ, ກະແສໃຫ້ຄົນເວົ້າເຖິງໃນສັງຄົມ ຖືກແຊຣ໌ຕໍ່ກັນໄປ ແລະເປັນຮູບແບບການກະຈາຍທີ່ວ່ອງໄວທີ່ສຸດ. ຕໍ່ມາຈຶ່ງມີການນຳຮູບແບບການສື່ສານແບບ ໄວຣອລນີ້ມາໃຊ້ກັບການຕະຫລາດ ເຊິ່ງຖ້າຫາກວ່າປະສົບຜົນສຳເລັດໃນການສ້າງໄວຣອລ ຈະເປັນການໂຄສະນາຫລືການຕະຫລາດທີ່ຕົ້ນທືນຕຳ່ທີ່ສຸດ ແຕ່ໄດ້ຜົນຕອບຮັບແບບເກິນຄາດ.  ແລະຄຳວ່າ Viral Marketing ໂດຍຊື່ຂອງມັນກໍ່ມາຈາກ ຮູບແບບການໂຄສະນາຜ່ານສື່ ຫລື Social Network ທີ່ເປັນຮູບແບບທີ່ກະຈາຍໄດ້ວ່ອງໄວ ແບບ ໄວຣັສ ດຽວນີ້ໂລກປ່ຽນໄປ ເພາະວ່າທຸກຄົນມີ smart phone ຫລືອຸປະກອນພົກພາ […]

Read More
November 14, 2017 Feature Lines Online,

TED TALK ແມ່ນຫຍັງ ມາທຳຄວາມຮູ້ຈັກກັບເວທີການເວົ້າ ສຸດຍອດແຮງບັນດານໃຈ ແລະ ການຮຽນຮູ້ທີ່ບໍ່ມີມື້ສິ້ນສຸດ.

TED (Technology Entertainment and Design) ຄືງານປະຊຸມສາກົນ ທີ່ຈັດຕັ້ງໂດຍອົງກອນເອກກະຊົົນ ທີ່ບໍ່ໄດ້ສະແຫວງຫາຜົນກຳໄລ, ເລີ່ມຈັດຕັ້ງຂື້ນເປັນເທື່ອທຳອິດ ໃນປີ ຄ.ສ 1984 ແລະ ຈັດຂຶ້ນອີກໃນປີ ຄ.ສ 1990 ພາຍໃຕ້ ຄຳຂວັນທີ່ວ່າ : “ ຄວາມຄິດທີ່ຄວນຄ່າແກ່ການເຜີຍແຜ່ (Ideas Worth Spreading) “. ໂດຍໃນຊ່ວງທຳອິດ ມີພຽງແຕ່ການນຳສະເໜີຄວາມຄິດກ່ຽວກັບເລື່ອງເທັກໂນໂລຢີ ແລະ ການອອກແບບເທົ່ານັ້ນ, ແຕ່ວ່າໃນຕໍ່ມາ ໄດ້ມີການຂະຫຍາຍປະເດັນໃນການນຳສະເໜີຄວາມຄິດຕ່າງໆ ຕັ້ງແຕ່ເລື່ອງວິທະຍາສາດ, ພາສາສາດ, ຈິດຕະວິທະຍາ, ວັດທະນະທຳ, ສິລະປະ ແລະ ວິຊາການຕ່າງໆ ໃຫ້ມີຫົວຂໍ້ຫຼາຍຂື້ນ ລວມເຖິງການເວົ້າເລື່ອງເລົ່າປະສົບການ ແຮງບັນດານໃຈ ເລື່ອງເລົ່າທີ່ຄວນຄ່າແກ່ການຮັບຟັງຕ່າງໆ ຈາກຜູ້ທີ່ມາບັນລະຍາຍຢ່າງຫຼວງຫຼາຍອີກດ້ວຍ. ເປັນຫຍັງ TED Talk ຈຶ່ງໂດ່ງດັງເປັນທີ່ນິຍົມໃນສາກົນ   ທຸກໆການບັນລະຍາຍ ລ້ວນເປັນຄວາມຄິດທີ່ສາມາດນຳໄປໃຊ້ໄດ້ແທ້ໃນຊີວິດຈິງ. ສິ່ງທີ່ເຮັດໃຫ້ TED Talk ເປັນເວທີບັນລະຍາຍ ທີ່ເປັນຍອດນິຍົມໃນສາກົນໜຶ່ງໃນນັ້ນກໍ່ຄືການເລືອກຄົນທີ່ຈະມາບັນລະຍາຍ […]

Read More
October 7, 2017 Feature Lines Online,

ຕອນທີ 3 ຕາດໃນແດນດານໃຕ້ ງົດງາມດັ່ງແຖນປັ້ນໃຫ້

ເມືອຖາມວ່າ ແຫຼ່ງທ່ອງທ່ຽວທາງວັດທະນະທຳ ກັບ ທຳມະຊາດ ອັນໃດດີກ່ວາກັນ? ມັນກໍຕອບໄດ້ຍາກທັງສອງມີຈຸດພິເສດຕ່າງກັນ ໃນຕອນທີ່ແລ້ວເຮົາໄດ້ສະເໜີສະຖານທີ່ທ່ອງທ່ຽວທາງວັດທະນະທຳໄປແລ້ວ ໃນຕອນນີ້ເປັນຜຽນຂອງສະຖານທີ່ທ່ອງທ່ຽວທາງທຳມະຊາດທີ່ກຳເນີດເອງດັ່ງແຖນປັ້ນແຕ່ງມາ ນັ້ນກໍຄືນໍ້າຕົກຕາດສະຖານທີ່ພັກຜ່ອນຢ່ອນໃຈຍອດນິຍົມຂອງທຸກຄົນ ທ່ານຮູ້ຫຼືບໍ່ວ່າແຕ່ລະຕາດກໍມີຕຳນານເລົ່ານຳອີກ   ໄປເລາະຊົມ “ຕາດເລາະ” “ເຕ້ຍລົງສາລະວັນເຕ້ຍລົງ” ເພງສຸດຄລາສຊິກທີ່ປຸກໃຫ້ທຸກຄົນຕ້ອງລຸກຂຶ້ນມາຟ້ອນລຳວົງ ເຖິງເນື້ອເພງຈະກ່່ຽວເຖິງຄວາມເຕ້ຍ ແຕ່ຕາດເລາະແຫ່ງນີ້ບໍ່ເຕ້ຍເດີ້ ດ້ວຍຄວາມສູງເຖິງ 10 ແມັດ ຫຼື ອາຄານ 3 ຊັ້ນ ເຊີ່ງຕາດເລາະນີ້ກໍມີຕຳນານທີ່ຊາວບ້ານເລົ່າຂານກັນາແຕ່ອາດີດ ແຕ່ກີ້ແຕ່ກ່ອນ ມີຊາຍຊະລາຜູ້ໜຶ່ງອອກໄປໄຮເປັນກິດຈະວັດປະຈໍາວັນ ,ຕົກມາມື້ໜຶ່ງໃນຍາມຄ້ອຍຄໍ່າຕາເວັນລັບແສງ ໃນຂະນະທີ່ພວມກັບບ້ານ ເພີ່ມໄດ້ເຫັນນໍ້າຕົກຕາດ ແລະ ຄິດຢາກອາບນໍ້່າ, ເມື່ອເຂົ້າໄປໃກ້ໆ ກໍປາກົດມີຜູ້ສາວສອງເອື້ອຍນ້ອງ ພວກເຂົາໄດ້ຖາມພໍ່ເຖົ້າຄົນນັ້ນຕາມພາສາຄົນບ້ານດຽວກັນ “ພໍ່ເຖ້າຢາກໄດ້ເມຍບໍ່?”ແນ່ນອນ ພໍ່ເຖົ້າຄົນນັ້ນບໍ່ປະຕິເສດແຖມຍັງເສິມຕື່ມອິກວ່າ “ກໍຢາກແທ້ແລ້ວ ແຕ່ບໍ່ມີຍິງຄົນໃດໃນບ້ານສົນໃຈເຮົາເລີຍ” ສອງເອື້ອຍນ້ອງຈຶ່ງໄດ້ພະນັນກັບພໍເຖົ້າ ຖ້າຫາກພໍ່ເຖົ້າກ້າໂຕນລົງຕາດພວກເຂົາສອງຄົນສິຍຶມເປັນເມຍໃຫ້, ເຖິງສິຢ້ານຕາຍພຽງໃດກໍແພ້ໃຫ້ສະເໜຂອງນາລີ ລາວຕັດສິນໃຈແກ້ຜ້າໂລະຕາດຊາບ ແລ້ວໂດດລົງຕາດ ຄຳວ່າ “ໂລະ” ແປວ່າອະໄວຍະວະເພດຊາຍ ດ້ວຍສໍານຽງທີ່ພ້ຽນໄປເຮັດໃຫ້ປັດຈຸປັນກາຍເປັນ “ເລາະ”  ແລະ ນັ້ນເປັນທີ່ມາຂອງຕາດເລາະ ໃນບົດສະຫຼບ ມັນເປັນດັ່ງພົມລິຂິດທີ່ເຮັດໃຫ້ພໍ່ເຖົ້າໄດ້ເມີຍຊໍ້າເຖົ້າຕັ້ງສອງຄົນ ຕາດຫົວຄົນ ຕັ້ງຢູ່ເທິງເຊນໍ້ານ້ອຍ […]

Read More
October 3, 2017 Content Lines Online,

ເປີດຕຳນານຕົ້ນກຳເນີດຂອງບຸນຊ່ວງເຮືອ ຕອນທີ 2 ບຸນຊ່ວງເຮືອ ສູ່ປະເພນີລາວ

ບົດຄວາມໂດຍ: ກໍລະເກດ Legends Become Lao Lively Celebrations Ep 2 ຕອນທີ 2 ບຸນຊ່ວງເຮືອ ສູ່ປະເພນີລາວ ໂອ້ໂອະໂອ! …………….. ຂໍເຫຼົ້າເດັດ ຂໍເຫຼົ້າໂທ ບໍ່ໄດ້ກິນເຫຼົ້າ ຕາຍເປັນຜີ ໂອ້ໂອະໂອ!   ໂອະໂອ້ໂອະໂອ້! ກິນແດ່ຈັກໂອ ກິນແດ່ຈັກຈອກ ຈັກຈອກບໍ່ໜີ ກໍຊິນຳມາຫຼອກ ໂອະໂອ້ໂອະໂອ້!   ສາວບ້ານໃດ ທ້າຍໃຫຍ່ໆ ມາກັບໃຜ ເຈົ້າມີຄູ ສິນໄໝໃໝ່ໆ ເຈົ້າຢູ່ບ້ານໃດ ຈັກຄົນພວກໝູ່ ບອກມາເດີ້ອຸ່ນ   ນີ້ຄືບາງສ່ວນຂອງກາບເຊີ້ງບັ້ງໄຟທີ່ປາກົດໃນປະເພນີລາວຕັ້ງແຕ່ບູຮານນະການ ແຕ່ມັນກ່ຽວຂ້ອງກັບບຸນຊ່ວງເຮືອແນວໃດ? ທ່ານຈະໄດ້ຮູ້ໃນຕອນທີ 2 ຂອງບົດຄວາມ ແລະແລ້ວເຮືອສະເພົາຂອງເຮົາກໍມາຈອດທີ່ແຄມທ່າເຮືອວັດຈັນເປັນຈຸດໝາຍສຸດທ້າຍ ດັ່ງທີ່ກ່າວໄປໃນຂ້າງເທິງ ທັງ 2 ບຸນມີຄວາມສຳພັນກັນເມື່ອເວົ້າເຖິງການກະສິກຳ ບຸນບັ້ງໄຟເປັນພິທີກໍາຂໍຟ້າຂໍຝົນກັບສິ່ງສັກສິດເພື່ອໃຫ້ຜົນຜະລິດອອກໝາກອອກຜົນ ໃນຂະນະທີ່ບຸນຊ່ວງເຮືອຈັດຂຶ້ນເພື່ອຕ້ອນຮັບລະດູການເກັບກ່ຽວ ແລະ ເປີດໂອກາດໃຫ້ຊາວບ້ານພົບປະວິສາສະສ້າງຄວາມຄຸ້ນເຄີຍກັນລະຫ່ວາງບ້ານໃກ້ຄຽງ. ບຸນຊ່ວງເຮືອປາກົດໃນສັງຄົມລາວມາດົນນານ ຫຼັກຖານທີ່ເປັນຮູບປະທຳແມ່ນປາກົດໃນບາງຕອນຂອງນິທານເລື່ອງ “ກຳພ້າຜີນ້ອຍ” ເຊິ່ງເປັນວັນນະຄະດີພື້ນເມືອງປະເພດຄໍາຮ້ອຍແກ້ວ […]

Read More
September 21, 2017 Feature Lines Online,

ເປີດຕຳນານຕົ້ນກຳເນີດຂອງບຸນຊ່ວງເຮືອ ຕອນທີ 1 : Legends Become Lao Lively Celebrations EP.01

 ເປີດຕຳນານຕົ້ນກຳເນີດຂອງບຸນຊ່ວງເຮືອ ຂຽນໂດຍ: ກໍລະເກດ “ຕອນທີ 1 ກ່ອນຮອດລາວ” ບ່າວສະຫວັນ: ເຮີຍສ່ຽວໆ! ໃກ້ສິຮອດບຸນຊ່ວງເຮືອແລ້ວ ເຮົາຢາກໄປຢາມໂຕ ສາວວຽງຈັນ: ກະມາລະແມ້ ດຽວເຮົານຳທ່ຽວເອງ ບ່າວສະຫວັນ: ວ່າແຕ່… ເຮົາສົງໄສມາດົນລະ ໂຕຮູ້ບໍ່ວ່າບຸນຊ່ວງເຮືອນິກຳເກີດມາແຕ່ໃສ? ມີໄວ້ເພື່ອຫຍັງ? ມີແຕ່ປະເທດລາວທີ່ສະຫຼອງບຸນນີ້ບໍ? ສາວວຽງຈັນ: ຄືສິກຳເນີດຢູ່ບ້ານ ວັດໄຕ… ສີໄຄ…. ເກົ້າລ້ຽວ ຕິເບາະ ເຫັນແຕ່ລະປີຂີ່ກາຍຍາມໃດກໍຄຶກຄັກເປັນພິເສດ ບ່າວສະຫວັນ: ໂອ້ຍ! ບໍ່ແມ່ນແລ້ວ ມີໃຜແດ່ເຄີຍຕັ້ງຄຳຖາມແບບຈິງຈັງກ່ຽວກັບຕົ້ນກຳເນີດຂອງບຸນປະເພນີນີ້? ຂ້າພະເຈົ້າເປັນໜຶ່ງໃນນັ້ນທີ່ເກີດຄວາມສົງໄສວ່າເພາະເຫດໃດຈຶ່ງຍັງສຶບຕໍ່ປະຕິບັດຈົນເຖິງປັດຈຸບັນ. ຍ້ອນເນຶ້ອຫາສາລະປົນຄວາມບັນເທິງເຮັດໃຫ້ບົດຄວາມນີ້ຍາວ ຂ້າພະເຈົ້າຕັດສິນໃຈຕັດແບ່ງບົດຄວາມເປັນ 3 ຕອນ. ສຳລັບຕອນທີ່ 1 ແມ່ນຈະເລົ່າປະຫວັດຂອງບຸນຊ່ວງເຮືອຂອງປະເທດຕ່າງໆທີ່ອາດກ່ຽວພັນກັບຂອງເຮົາ  ເນື່ອງໃນໂອກາດບຸນອອກພັນສາປະວໍລະນະກຳລັງຈະຈັດຂຶ້ນມໍ່ໆນີ້ ຈຶ່ງຂໍເຊີນຜູ້ອ່ານທຸກຄົນຂີ່ເຮື່ອສະເພົາເດີນທາງເພື່ອຄົ້ນຫາຄຳຕອບທົ່ວອາຊີນຳກັນ! ເລີ້ມຕົ້ນຈາກປະເທດຈີນ ຍ້ອນກັບໄປເມື່ອ 2000 ປີກ່ອນມີຕຳນານເລົ່າຂານເຖິງ ເຈົ້າເມືອງໃນແຄ້ວນທາງພາກຕາເວັນອອກສຽງໃຕ້ຂອງແດນມັງກອນ ນາມວ່າ Qu Yuan ທີ່ຖືກປະຫານເພາະຖືກໃສ່ຄວາມໂດຍກົນອຸບາຍຂອງກະສັດໃນຍຸກນັ້ນຈາກຄວາມຂັດແຍ່ງດ້ານການເມືອງ, ເພິ່ນຈົບຊີວິດລົງຢ່າງສະເທືອນໃຈໂດຍການຖືກໂຍນລົງແມ່ນໍ້າ. ແຕ່ດ້ວຍຄວາມຮັກ ແລະ ສັດທາຂອງປະຊາຊົນທີ່ມີຕໍ່ທ່ານ Qu Yuan […]

Read More
September 16, 2017 Feature Lines Online,

ຕອນທີ 2 ສະເໜ່ຂອງຈຳປາສັກ : Unseen Journeys EP.02 Charm of Champasak

ບົດຄວາມໂດຍ ກໍລະເກດ ອ້າງອີງຈາກ: Lonely Planet #UnseenJourneys ຕອນທີ 2 ສະເໜ່ຂອງຈຳປາສັກ “ເໝືອນວ່າດັ່ງເປັນບຸນ ແລະ ວາດສະໜາ ທີ່ຊ່ວຍນຳຊັກພາ ອ້າຍມາປາກເຊ….”

Read More
September 11, 2017 Feature Lines Online,

ຕອນທີ 1 ອັດຕະປື ສາມຕໍານານໃນແດນສັກສິດ : UnseenJouneys Ep.1 Unseen Uttapeu

ບົດຄວາມໂດຍ ກໍລະເກດ ອ້າງອີງຈາກ: lao.gov.la attapeu.gov.la #UnseenJourneys ໂຈດວິຊາພາສາລາວ ຈົ່ງອະທິບາຍ-ພິສູດ-ວິຈານ ຄຳເວົ້າທີ່ວ່າ: “ອັດຕະປື ປື້ງ ຂາຍຄຳແລກຂີ້ໄກ່”

Read More
September 6, 2017 Content Feature Lines Online,

ມະຫາພາກຂອງການປະຈົນໄພໃນແດນລ້ານຊ້າງ : The Whole New Series of Unseen Journeys

Laos: The Undiscovered Paradise ເພື່ອເປັນການຕ້ອນຮັບລະດູການໃໝ່ທີ່ຍັບຈໍ້ເຂົ້າມານີ້ ທາງ Lines Magazine ໄດ້ຮິບໂຮມບັນດາແຫຼ່ງທ່ອງທ່ຽວທົ່ວປະເທດບໍ່ວ່າຈະເປັນບ່ອນທີ່ໂດ່ງດັງ ຫຼື ບ່ອນທີ່ທ່ານອາດບໍ່ເຄີຍຮູ້ມາກ່ອນ ຫຼັງອ່ານຈົບແລ້ວທ່ານຈະປະທັບໃຈ ແລະ ອຸທານໃນໃຈວ່າ “ປາໂທ້! ຢູ່ລາວກໍມີແນວນີ້ຫວາ! ” ໃນຊຸດເລື່ອງພິເສດ The Whole New Series of Unseen Journeys #UnseenJourneys ຈະບໍ່ພຽງແຕ່ນຳສະເໜີສະຖານທີ່ທ່ອງທ່ຽວໃນລາວເທົ່ານັ້ນ ແຕ່ຍັງເລົ່າປະຫວັດຄວາມເປັນມາຕັ້ງແຕ່ອະດີດຈົນເຖິງປັດຈຸບັນ ເຊິ່ງພວກເຮົາຈະຖ່າຍທອດຜ່ານບົດຄວາມ ແລະ ເລື່ອງລາວທີ່ຈະນຳພາທ່ານຜູ້ອ່ານໄປທ່ຽວທົ່ວທັງ ສາມພາກ ເໜືອ-ກາງ-ໃຕ້ ຂອງປະເທດ.   ບໍ່ອອກຈາກບ້ານ ບໍ່ເຫັນດ່ານແດນໄກ! ມາອອກເດີນທາງໄປນຳກັນເທາະ! ຕິດຕາມຕອນທີ 1 ອັດຕະປື ສາມຕໍານານໃນແດນສັກສິດ  https://linesmagazinelao.com/unseenjourneys-ep01/ ຕິດຕາມຕອນທີ 2 ສະເໜ່ຂອງຈຳປາສັກ https://linesmagazinelao.com/unseenjourneys-ep02/

Read More