July 27, 2017 Content Feature Lines Online,

ມະຫັດສະຈັນບໍ່ແກ້ວ ອັນຍະມະນີແຫ່ງແມ່ນໍ້າຂອງທີ່ແທ້ຈິງ

ປັດຈຸບັນສັງຄົມໃນເມືອງເຮົາຫັນໄປທາງໃດເຕັມໄປດ້ວຍການແຂ່ງຂັນ ບໍ່ວ່າຈະແຂ່ງກັບເວລາ ຫຼື ແຂ່ງກັບຄູ່ແຂ່ງໃນສາຍອາຊີບຂອງຕົນປຽບດັ່ງໜູທີ່ແລ່ນໃນວົງລໍ້ບໍ່ມີທີ່ສິ້ນສຸດ. ການເຮັດວຽກໜັກເກີນໄປນຳສູ່ປັນຫາຮ້າຍແຮງທາງດ້ານສຸຂະພາບ ດັ້ງນັ້ນ,ເພື່ອຫຼຸດຜ່ອນຄວາມສ່ຽງດັ່ງກ່າວທາງອອກທີ່ດີທີ່ສຸດຄື “ການພັກຜ່ອນ”. ມື້້ນີ້ເຮົາຈະນຳສະເໜີສະຖານທີ່ທ່ອງທ່ຽວທີ່ເໝາະແກ່ການພັກຜ່ອນຢ່ອນໃຈ, ທີ່ສຳຄັນບໍ່ຕ້ອງໄປໄກຮອດຕ່າງແດນ ໃນລາວເອງກໍມີດີບໍ່ນ້ອຍຫນ້າຊາດອື່ນໂດຍສະເພາະ “ແຂວງບໍ່ແກ້ວ”. ຖ້າຖາມເຖິງແຫຼ່ງທອງທ່ຽວທີ່ເດັ່ນໃນແຂວງບໍ່ແກ້ວສິ່ງທຳອິດທີ່ຫຼາຍຄົນອາດຈະຕອບວ່າ “ເຂດເສດຖະກິດພິເສດສາມຫຼ່ຽມທອງຄຳ” ແຕ່ໃນແຂວງນິ້ມີສະຖານທີ່ທ່ອງທ່ຽວທາງທໍາມະຊາດທີ່ອຸດົມສົມບູນທີ່ໜ້ອຍຄົນຈະຮູ້. ໜື່ງໃນນັ້ນແມ່ນ    “ປ່າສະຫງວນແຫ່ງຊາດນໍ້າການ”. ຂ້າພະເຈົ້າຈະນຳສະເໜີສະຖານທີ່ແຫ່ງນີ້ໃຫ້ທຸກຄົນຮັບຮູ້ເພື່ອພິສູດນຳກັນວ່າ ເມືອງລາວສວຍງາມຮັງມີແທ້ບໍ່? ເປັນຫຍັງຕ້ອງໄປປ່າສະຫງວນແຫ່ງຊາດນໍ້າການ? ມັນເປັນໜຶ່ງໃນ 24 ປ່າສະຫງວນແຫ່ງຊາດຂອງປະເທດລາວ ແລະ ເປັນພຽງໜື່ງດຽວໃນແຂວງບໍ່ແກ້ວ. ຕັ້ງແຕ່ໃດມາປ່າສະຫງວນແຫ່ງນີ້ເປັນຖິ່ນທີ່ຢູອາໄສໃຫ້ແກ່ສັດຫາຍາກເຊັ່ນ: ເສືອ, ໝີດຳ, ທະນີ ແລະ ອື່ນໆ. ເພາະເຫດນີ້ເຮົາສາມາດເວົ້າໄດ້ວ່າປ່າສະຫງວນນໍ້າການເປັນສົມບັດອັນລໍ້າຄ່າທີ່ທຳມະຊາດສ້າງຂື້ນເທິງດິນແດນລ້ານຊ້າງແຫ່ງນີ້. ນອກຈາກຊື່ນຊົມຄວາມອຸດົມສົມບູນຂອງປ່າສະຫງວນແຫ່ງນີ້ແລ້ວ, ສະຖານທີ່ແຫ່ງນີ້ຍັງເປັນສະຫວັນຂອງຜູ້ຮັກຄວາມທ້າທ້າຍ ດ້ວຍບ້ານພັກທີ່ໂດດເດັ່ນບໍ່ຄືບ່ອນໃດໃນໂລກ “ບ້ານເທີງຕົ້ນໄມ້ທີ່ສູງທີ່ສຸດໃນໂລກ”. ຕັ້ງຢູ່ເທິງຕົ້ນໄມ້ທີ່ສູງປະມານ 40 ແມັດ ໂດດດ່ຽວກາງປ່າ. ທ່ານສາມາດຈິບກາເຟຫອມໆໃນຂະນະທີ່ຊົມວິວຂອງທຳມະຊາດທີ່ຂຽວສົດງົດງາມກາງເວຫາ ຄິດພາບແລ້ວໃຈສັ່ນທັນທີ (ເປັນຜົນທັງຈາກຄາເຟອິນ ແລະ ຄວາມສູງຂອງບ້ານ). ເຖິງຈະຢູ່ກາງປ່າກໍຕາມ ແຕ່ທີ່ພັກຈັດຫາສິ່ງອຳນວຍຄວາມສະດວກທີ່ຈຳເປັນໃຫ້ທ່ານທັງ ເຄື່ອງໃຊ້ໄຟຟ້າທີ່ຈຳເປັນ ແລະ ຫ້ອງນໍ້າສະອາດ. ພັກຜ່ອນຢູ່ສະຖານທີ່ແຫ່ງນີ້ເປັນໂອກາດດີທີ່ຈະໄດ້ໃກ້ຊິດກັບທະນີ. ຖ້າໂຊກດີຈະໄດ້ເຫັນຄອບຄົວທະນີເກາະເທິງຕົ້ນໄມ້. ໃນຍາມເຊົ້າເຮົາຈະໄດ້ຍິນສຽງໂຫຍຫວນຂອງທະນີໃນຂະນະທີ່ຢູ່ໃນເມືອງໄດ້ຍິນແຕ່ສຽງແກລົດ. ການອາໄສຢູ່ບ້ານຕົ້ນໄມ້ກໍຄືເຮົາສວມບົດບາດເປັນທະນີ ມັນເປັນປະສົບການດີໆທີ່ເຮັດໃຫ້ເຮົາໄດ້ຮູ້ເຖິງວິຖີຊີວິດຂອງບັນພະບູລຸດເຮົາກ່ອນການວິວັດທະນາການ. ຍັງບໍ່ພຽງເທົານັ້ນສະຖານທີ່ແຫ່ງນີ້ຍັງເອົາໃຈນັກຜະຈົນໄພຜູ້ມັກຄວາມຕື່ນເຕັ້ນ […]

Read More
July 24, 2017 Content Feature Lines Online,

“ປະສົບສຸກ” ຈຸດບັນຈົບລະຫວ່າງການພັກຜ່ອນ ແລະວິຖີຊີວິດ

ສວນປະສົບສຸກ” ຊື່ທີ່ຜູ້ຂຽນ ມອບໃຫ້ ສວນຫນ້າບ້ານ ທີ່ບໍ່ໄດ້ມີເນື້ອທີ່ກວ້າງໃຫຍ່ ແລະ ບໍ່ໄດ້ມີ ພັນໄມ້ປະດັບ ຫລື ປະຕິມະກໍາທີ່ ໃຫ່ຍໂຕ ແລະ ລາຄາແພງ ແຕ່ມັນພັດເປັນສວນ ທີ່ ອັດແຫນ້ນໄປດ້ວຍ ເລື່ອງລາວ, ເຕັມໄປດ້ວຍ ຄວາມຫມາຍ ເປັນຈຸດລວມຂອງຄໍາວ່າ “ຄວາມສຸກ ແລະ ຄອບຄົວ. ແສງຟ່້າ ຈຸລາມະນີ ນັກສະຖາປະນິກ ຜູ້ຜັນຕົນເອງ ຈາກວິຊາຊີບທີ່ຕົນຮຽນມາ ກັບກາຍມາເປັນຜູ້ປະກອບ ທຸລະກິດສ່ວນຕົວທາງດ້ານການຄ້າ ເຊິ່ງມີເອກະລັກເປັນຂອງໂຕເອງ ແລະ ມັກຈະຖ່າຍທອດຄວາມຮູ້ສຶກອອກມາເປັນ ລຳນຳ, ບົດກອນ ໃຫ້ທັດສະນະວ່າ: ການທີ່ບໍ່ໄດ້ເຮັດວຽກທີ່ຕົນເອງຮໍ່າຮຽນມາ ບໍ່ແມ່ນຕົນເອງບໍ່ມັກ ຫລື ເຮັດບໍ່ໄດ້ດີ ແຕ່ເພາະວ່າ “ບໍ່ຢາກໄປຍາດສ່ວນແບ່ງການຕະຫລາດ ຈາກເພື່ອນຮ່ວມອາຊີບ ວ່າຊັ້ນ. ສວນຫນ້າບ້ານ ເນື້ອທີ່ປະມານ 50 ແມັດມົນທົນ ຊຶ່ງປະກອບດ້ວຍ ສະລ້ຽງປາຄາຟ, ບ່ອນນັ່ງພັກຜ່ອນ ແລະ ທາງຍ່າງນ້ອຍໆ ປະດັບດ້ວຍພັນໄມ້ ພຸ່ມ […]

Read More
July 20, 2017 Lines Online,

ເຮືອນສວນ ແມ່ຂອງ ( Villa Mekong ) ທ່າອ່ຽງໃຫມ່ຂອງການຕົບແຕ່ງຫ້ອງພັກ ດ້ວຍສິ່ງອຳນວຍສະດວກທີ່ເພີ່ມຮູບແບບໃນການໃຊ້ງານ

ເຮືອນພັກແບບ “ວິນລາ” ຖືວ່າເປັນເຮືອນສວນທີ່ໄດ້ຮັບຄວາມນິຍົມຈາກກຸ່ມລູກຄ້າຫຼາຍ ເນື່ອງຈາກວ່າວິນລາ ຈະໃຫ້ຄວາມເປັນສ່ວນໂຕສໍາລັບຄົນທີ່ມັກຄວາມສະຫງົບແລະຕ້ອງການທີ່ຈະພັກຜ່ອນຢ່າງແທ້ຈິງ. ສະນັ້ນຈິ່ງເປັນການແຂ່ງຂັນຂອງຜູ້ປະກອບການທີ່ຈະຕ້ອງມີການອອກແບບຕົບແຕ່ງເນື້ອທີ່ໃຫ້ມີສິ່ງອຳນວຍຄວາມສະດວກທີ່ສາມາດດຶງດູດລູກຄ້າໃຫ້ມາໃຊ້ບໍລິການໃຫ້ໄດ້ຫຼາຍທີ່ສຸດ.   ວິນລາທີໄດ້ຮັບຄວາມນິຍົມ ແລະກໍາລັງເປັນທີ່ຮູ້ຈັກໃນແຂວງຫຼວງພະບາງແມ່ນ “ວິນລາແມ່ຂອງ” ເຊິ່ງເປັນອີກໜຶ່ງທາງເລືອກຂອງທີ່ພັກໃນກຸ່ມຂອງໂຮງແຮມຄິຣິດາລາ. ເຊິ່ງອອກແບບແລະຕົບແຕ່ງໂດຍຄົນລາວເອງທີ່ມີຮູບແບບການຕົບແຕ່ງທີ່ມີເອກະລັກສະເພາະຕົວແບບຫຼວງພະບາງ, ໃນທຸກໆພາກສ່ວນຂອງວິນລາຕັ້ງແຕ່ສິ່ງນ້ອຍໆໄປຫາໃຫຍ່ ແມ່ນໄດ້ສະແດງອອກເຖິງຄວາມເອົາໃຈໃສ່ຂອງຜູ້ອອກແບບກັບທຸກໆລາຍລະອຽດທີ່ຢາກສ້າງໃຫ້ວິນລານີ້ເປັນຫຼາຍກວ່າທີ່ພັກທໍາມະດາ.   ລັກສະນະຂອງການຈັດເນື້ອທີ່ການນໍາໃຊ້ພາຍໃນຂອງວິນລາແມ່ນຈັດຕາມກິດຈະກໍາຂອງລູກຄ້າ, ໃຊ້ໂທນສີທີ່ເໝາະກັບກຸ່ມລູກຄ້າແຕ່ລະປະເພດ   ການເພີ່ມສິ່ງອຳນວຍຄວາມສະດວກພາຍໃນໂດຍການນໍາໃຊ້ເນື້ອທີ່ທາງຕັ້ງບໍ່ໃຫ້ເສຍປະໂຫຍດໃນການນໍາໃຊ້ຕາຫນ່າງ ທີ່ເຮັດໃຫ້ເກີດກິດຈະກໍາທີ່ແຕກຕ່າງຈາກຫ້ອງພັກທົ່ວໄປມັນເປັນອີກຫນື່ງສິ່ງທີ່ສາມາດເປັນຈຸດພິເສດເພື່ອດຶງດູດລູກຄ້າໄດ້.   ເຄື່ອງໃຊ້ສອຍ(Furniture) ທີ່ໃຊ້ໃນການຕົບແຕ່ງບໍ່ຈຳເປັນຕ້ອງມີລາຄາແພງ ພຽງແຕ່ເຮົາຮູ້ຈັກຕົບແຕ່ງວ່າຄວນຈະວາງຢູ່ບ່ອນໃດເໝາະສົມເທົ່ານັ້ນ ເຮົາກໍ່ສາມາດທີ່ຈະເພີ່ມມູນຄ່າໃຫ້ມັນໄດ້ແລ້ວ   ທິດທາງໃນການອອກແບບທີ່ມີຄວາມລົງໂຕຂອງເຟີນີເຈີກັບສະພາບແວດລ້ອມອ້ອມຂ້າງທີ່ມີຢູ່ນໍາມາຕົບແຕ່ງໃຫ້ມີເອກະລັກສະເພາະຕົວ ແລະເພີ່ມລູກຫຼີ້ນທີ່ບໍ່ຊ້ຳຊາກຈຳເຈເປັນທາງເລືອກທີ່ດີສໍາລັບນັກອອກແບບຮຸ້ນໃຫມ່ ຫຼືຜູ້ທີ່ກໍາລັງຫາ Style ແລະ Trend ໃນການອອກແບບທີ່ມີເອກະລັກ, ມີຄວາມລົງໂຕຫຼາຍທີ່ສຸດ.  

Read More
June 29, 2017 Lines Online,

ຄົ້ນຫາ ເຫດຜົນຂອງການໃຊ້ຊີວິດ ຕາມແບບສະບັບຄົນຍີ່ປຸ່ນ Ikigai (ອີຄີໄກ)

ສິ່ງທີ່ເຮັດໃຫ້ເຮົາເບື່ອຊີວິດຂອງເຮົາຢູ່ເລື້ອຍໆ ບໍ່ວ່າຈະເປັນຄວາມຜິດຫວັງ ຫຼື ບໍ່ພໍໃຈໃນເລື້ອງຕ່າງໆເປັນຕົ້ນວ່າ: ການຂີ້ຄ້ານເຮັດວຽກ, ເບື່ອວຽກທີ່ເຮັດ, ເບື່ອເພື່ອນຮ່ວມງານ, ເບື່ອຫົວໜ້າ,  ເບື່ອລະບົບອົງກອນທີ່ບໍ່ມີຄວາມຍຸດຕິທຳ, ເບື່ອການເອົາຮັດເອົາປຽບ ຂອງຄົນໃນສັງຄົມ, ບໍ່ພໍໃຈໃນລາຍໄດ້ທີ່ບໍ່ພໍໃນການດຳເນີນຊີວິດ, ຄວາມທຸກໃຈທີ່ຖືກຄົນອື່ນເອົາປຽບ ແລະ ອື່ນໆ, ກໍ່ຍ້ອນວ່າເຮົາບໍ່ເຫັນພາບລວມຂອງອົງປະກອບ ທີ່ເອີ້ນວ່າ “ເຫດຜົນຂອງການດຳລົງຊີວິດຢູ່” ຫຼື Ikigai (生き甲斐) ເຊິ່ງລະບົບດັ່ງກ່າວແມ່ນຖືກຄົ້ນພົບຢູ່ເມືອງໂອກີນາວາປະເທດຍີ່ປຸ່ນ ທີ່ການຄົ້ນພົບ ແລະ ເຂົ້າໃຈເຖິງລະບົບນີ້ເອງທີ່ເຮັດໃຫ້ຄົນໂອກີນາວາ ສ່ວນຫຼາຍມີອາຍຸຍືນເຖິງ 100 ປີ.   ລະບົບ Ikigai ໜ້າຈະເປັນລະບົບທີ່ເໝາະສົມກັບຄົນໃນຍຸກສັງຄົມປັດຈຸບັນ ທີ່ເປັນສັງຄົມກະຫາຍໃນແຮງບັນດານໃຈໃນການເຮັດວຽກ ແລະ ການໃຊ້ຊີວິດ, ສັງຄົມທີ່ຊອກສະແຫວງຫາເຫດຜົນທຸກຢ່າງທີ່ເຮົາເຮັດ ແມ່ນແຕ່ເຫດຜົນທີ່ເຮົາຂີ້ຄ້ານ, ເຫດຜົນທີ່ຢາກອອກຈາກວຽກໄປຈົນເຖິງເຫດຜົນທີ່ເຮົາຢາກໃຊ້ຊີວິດຢ່າງມີອິດສະຫຼະ.   ໃນແຜນພາບຂ້າງເທິງນີ້ ມັນໄດ້ອະທິບາຍເຖິງອົງປະກອບ ຂອງ ລະບົບ Ikigai ໄວ້ຢ່າງສະຫຼາດ ແລະ ປານີດ ໃຫ້ເຮົາພໍມີສະຕິຮັບຮູ້ວ່າຫາກເຮົາຈະມີ “ເຫດຜົນຂອງການດຳລົງຊີວິດຢູ່” ໃນຊີວິດນີ້ ມັນຕ້ອງມີເຫດຜົນ 4 ຢ່າງເຫຼົ່ານີ້ປະກອບກັນຢ່າງມີຄວາມສົມດຸນນັ້ນກໍ່ຄື:   ການໄດ້ເຮັດໃນສິ່ງທີ່ເຮົາຮັກ ເປັນສິ່ງທີ່ເຮົາຖະໜັດມີຄວາມສາມາດ ເປັນສິ່ງທີ່ຕ້ອງການຂອງຄົນໃນສັງຄົມ ຫຼື ຄົນໃນໂລກ ແລະ ສິ່ງນັ້ນກໍ່ເປັນສິ່ງທີ່ຄົນອື່ນຍອມຈ່າຍເງິນໃຫ້ເຮົາເພື່ອແລກກັບມັນ.     ໃນທາງປະຕິບັດກໍ່ຄືຕ້ອງມີ 4 […]

Read More
June 21, 2017 Lines Online,

ມສ. ວຽງຈັນ, ແສງແຫ່ງຊີວິດ ແລະເງົາແຫ່ງຄວາມຊົງຈຳ

ຖ້າຖາມເຖີງ ໄລຍະເວລາທີ່ດີທີ່ສຸດໃນຊີວິດຂອງແຕ່ລະຄົນ, ໄລຍະເວລາທີ່ສ້າງຄວາມປະທັບໃຈ ແລະ ເກີດຄວາມສຸກ ທຸກຄັ້ງ ໃນເວລາທີ່ຄິດຮອດ ນັ້ນ, ຄໍາຕອບທີ່ມັກຈະໄດ້ຍິນ ເປັນປະຈໍາ ກໍ່ຄື “ໄລຍະເວລາທີ່ເປັນນັກຮຽນມັດທະຍົມ”, ຂໍພຽງແຕ່ໄດ້ກ້າວຂາເຂົ້າໄປໃນໂຮງຮຽນເກົ່າ, ສໍາຜັດຫ້ອງຮຽນເກົ່າທີ່ຕົນເຄີຍ ຮ່ວມຮຽນກັບບັນດາໝູ່ຄູ່ທີ່ຮັກແພງ ແລະ ກັບມານັ່ງໃນຈຸດໜື່ງຂອງໂຮງຮຽນ ທີ່ຕົນເຄີຍໃຊ້ເປັນມຸມສະຫງົບ ເພື່ອຄິດ, ທົບທວນ ແລະ ແລກປ່ຽນປະສົບການກັບບັນດາສະຫາຍຮັກ, ພຽງເທົ່ານັ້ນ ສີສັນຂອງອາດີດໃນເມື່ອກ່ອນ ແລະ ຄວາມອາໄລຫາຄວາມຮູ້ສຶກທີ່ດີເຫຼົ່ານັ້ນ ກໍ່ຈະຖຶກເອີ້ນກັບຄືນມາອີກຄັ້ງ ຢ່າງບໍ່ມີໃຜສາມາດປະຕິເສດໄດ້.   ບໍ່ວ່າຈະຢູ່ໃນຍຸກສະໄໝໃດສໍາລັບຄົນລາວເຮົາແລ້ວ, ໂຮງຮຽນ ກໍ່ຍັງເປັນສະຖານທີ່ ທີ່ເຕັມໄປດ້ວຍຄຸນຄ່າທາງຈິດໃຈ ແລະ ເປັນສະຖາບັນແຫ່ງການຮຽນຮູ້ ທີ່ສ້າງຄວາມປະທັບໃຈໃຫ້ແກ່ ຫຼາຍຮຸ້ນຄົນຢ່າງບໍ່ມີມື້ສິ້ນສຸດ, ໜຶ່ງໃນນັ້ນ ກໍ່ຄືໂຮງຮຽນມັດທະຍົມສົມບູນວຽງຈັນ ຫລືທີ່ສະໄຫມກ່ອນເພິ່ນຮຽກກັນວ່າ Lycée de Vientiane, ເປັນສະຖາບັນການສຶກສາອັນດັບຕົ້ນໆຂອງປະເທດ ທີ່ສະທ້ອນສີສັນແຫ່ງຊິວິດເດັກມັດທະຍົມລາວ ໄດ້ຢ່າງໜ້າສົນໃຈ, ສະໜອງຄວາມຮູ້ຄວາມສາມາດທີ່ທັນສະໄໝ ແລະ ເສີມສ້າງປະສົບການຊີວິດ ແກ່ນັກຮຽນ, ພາຍໃຕ້ບັນຍາກາດຄວາມອົບອຸ່ນຂອງ ອາຄານສະຖານທີ່; ການຈັດວາງແຜນຜັງຂອງໂຮງຮຽນທີ່ມີລະບຽບແບບແຜນ ຮອງຮັບເອົາຄວາມຮົ່ມເຢັນຂອງສະພາບແວດລ້ອມທາງທໍາມະຊາດໄດ້ເປັນຢ່າງດີ ຈຶ່ງເຮັດໃຫ້ໂຮງຮຽນມັດທະຍົມສົມບູນວຽງຈັນ […]

Read More
June 20, 2017 Feature Lines Online News,

Write with LINES

ໂຄງການ ຂຽນກັບລາຍນ໌ Write with Lines   ວາລະສານລາຍນ໌ ຈັດໂຄງການ ຂຽນກັບລາຍນ໌ ຂື້ນເພື່ອເປີດໂອກາດໃຫ້ນັກຂຽນທົ່ວໄປ ຮ່ວມເປັນສ່ວນໜຶ່ງໃນການແບ່ງປັນສິ່ງສ້າງສັນ ແລະແຮງບັນດານໃຈຜ່ານຕົວອັກສອນ ພ້ອມທັງເປັນສ່ວນໜຶ່ງຂອງ Lines Magazine   ໂດຍໂຄງການຂຽນກັບລາຍນ໌ ແບ່ງອອກເປັນ 2 ສ່ວນຫຼັກໆຄື:   ໂຄງການ Lines in Magazine ຈຸດປະສົງແມ່ນການ ຊອກຫານັກຂຽນອິດສະລະ ທີ່ຈະມາຮ່ວມຂຽນບົດຄວາມລົງໃນວາລະສານ ລາຍນ໌ ທີ່ມີເນື້ອຫາດັ່ງຕໍ່ໄປນີ້ ບົດຄວາມກ່ຽວກັບ ສິລະປະ ວັດທະນະທຳ, ປະເພນີ ແລະພູມປັນຍາຕ່າງໆຂອງຄົນລາວ ບົດຄວາມກ່ຽວກັບການອອກແບບສະຖາປັດຕະຍະກຳ, ຕົກແຕ່ງພາຍໃນ, ຜະລິດຕະພັນ ແລະ ພູມມີທັດ(ສວນ) ໂດຍມີທີ່ຕັ້ງຢູ່ໃນສປປ.ລາວ ບົດຄວາມແນະນຳສະຖານທີ່ທ່ອງທ່ຽວໃນລາວ ນະວັດຕະກຳ ເຕັກໂນໂລຊີ ຕ່າງໆ.   ໂດຍຜູ້ທີ່ມີຈຸດປະສົງຕ້ອງການຮ່ວມໂຄງການນີ້ ແມ່ນໃຫ້ທ່ານ ສົ່ງບົດຄວາມຂອງທ່ານ ທີ່ພິມດ້ວຍ Program Microsoft word ຄວາມຍາວບໍ່ເກີນ 3ຫນ້າເຈ້ຍ […]

Read More

ຄວາມງາມທີ່ບໍ່ຮຽກຮ້ອງຄວາມສົມບູນແບບ, A House Project

Lines online column; 3rd place (ສະ) ຖານທີ່ເຮັດໃຫ້ຮັກ ເລື່ອງໂດຍ : lil_book ແນວຄວາມຄິດ ທີ່ຫລົງໄຫລໃນຄວາມງາມຂອງວັດສະດຸຕ່າງໆ ທີ່ຜ່ານກາລະເວລາ, ແນວທາງການຕົກແຕ່ງທີ່ເຊື່ອມຕໍ່ຂອງຊ່ວງເວລາຈາກອະດີດເຖິງປັດຈຸບັນ   ການຕົກແຕ່ງພື້ນທີ່ ໃນຮູບແບບ Rustic ຫລືຖ້າຈະໃຫ້ນິຍາມຕາມ7 ຕາມຄວາມເຂົ້າໃຈໃນພາສາລາວ ກໍ່ສາມາດເວົ້າໄດ້ວ່າ: ຮູບແບບຂອງຄວາມງາມ ຜ່ານກາລະເວລາທີ່ຍາວນານ. ການຕົກແຕ່ງຮູບແບບນີ້ ເປັນຮູບແບບທີ່ພວມເປັນທີ່ນິຍົມໃນແວດວົງການຕົກແຕ່ງພາຍໃນ ໃນຂົງເຂດອາຊີເຮົາ ໂດຍສະເພາະແມ່ນ ຮ້ານອາຫານ ແລະຮ້ານກາເຟ. ກ່ອນໜ້າທີ່ຮູບແບບ Rustic ຈະເລີ່ມມີ ເຮົາມັກພົບເຫັນຮ້ານ ທີ່ຕົກແຕ່ງ Style Vintage ທີ່ນຳໃຊ້ວັດສະດຸເກົ່າໆ ເຄື່ອງເຮືອນເກົ່າໆ ຫລືເຮັດໃຫ້ເປັນຄືຂອງເກົ່າ ໂດຍເນັ້ນໄປທີ່ວັດສະດຸໄມ້ເປັນສ່ວນໃຫຍ່ ແລະຮູບແບບທີ່ໄດ້ຮັບຄວາມນິຍົມບໍ່ນ້ອຍໜ້າກັນອີກຮູບແບບໜຶ່ງແມ່ນ Style Loft ເຊິ່ງຍັງຖືວ່າເປັນທີ່ນິຍົມກັນຢູ່ໃນປັດຈຸບັນ ແລະວັດສະດຸທີ່ໃຊ້ກໍ່ຈະແມ່ນ ເຫລັກ, ດິນຈີ່, ປູນເປືອຍ, ເປັນຮູບແບບທີ່ເຜີຍໃຫ້ເຫັນຄວາມດິບຂອງວັດສະດຸ. ກ່າວມາຮອດຕອນນີ້ ທ່ານຜູ່ອ່ານ ອາດຈະເລີ່ມຮັບຮູ້ໄດ້ແລ້ວວ່າ ເຮົາຕ້ອງການເວົ້າຫຍັງ ແມ່ນລະ Modern […]

Read More
June 12, 2017 Lines Online,

ເກີບໂບກ ຫົນທາງ ແລະ ຈຸດໝາຍ

ບໍ່ດີພໍ ແຕ່ພໍດີ ຖ້າເຈົ້າຖືກຖາມວ່າ ຢາກໄດ້ຫຍັງທີ່ສຸດ, ເຈົ້າກໍ່ຈະຕ້ອງຕອບ ໃນສິ່ງທີ່ເຈົ້າຢາກໄດ້ຫລາຍທີ່ສຸດຂະນະນັ້ນ ໂດຍທີ່ບາງຄັ້ງຍັງບໍ່ຮູ້ຊໍ້າວ່າ ຂອງສິ່ງນັ້ນຈຳເປັນກັບຊີວິດນະຕອນນັ້ນຫລືບໍ. ຂ້ອຍກໍ່ຍອມຮັບວ່າຂ້ອຍຄົນຫນື່ງທີ່ເປັນແບບນັ້ນ ຖ້າຢູ່ດີໆ ມີຄົນຖາມວ່າ ຢາກໄດ້ຫຍັງ ຂ້ອຍກໍ່ອາດຈະຕອບວ່າ ເງີນຈັກຫີບຫນຶ່ງ ທີ່ສະກຸນເງີນເປັນເງີນ ໂດລາ (ງ່າຍດີ ຢາກໄດ້ຫຍັງຄ່ອຍໄປຊື້ເອົານຳຫລັງ). ແຕ່… ມັນຈະມີຄຳວ່າແຕ່ ຖ້າຊີວິດມັນເລີ່ມຢາກເປີດແງ່ມຸມການເບິ່ງໂລກໃຫ້ກັບເຮົາ. ມື້ກ່ອນ ຂ້ອຍຕ້ອງລົງໄປສຳຫລວດພື້ນທີ່ບຳບັດຂີ້ເຫຍື້ອ ໃນມື້ທີ່ຝົນຫາກໍ່ຢຸດຕົກ ຈິນຕະນາການວ່າ ເປັນພື້ນທີ່ທີ່ຂີ້ເຫຍື້ອໝົດນະຄອນຫລວງມາລວມໂຕກັນ ທາງດິນແດງ ເພື່ອຈະເຂົ້າໄປໃນພື້ນທີ່ເພື່ອສຳຫລວດ ແລະຕອນນັ້ນເຈົ້າຍ່າງມາຖາມວ່າ ຢາກໄດ້ຫຍັງ ຄຳຕອບມີຄຳດຽວເລີຍ “ເກີບໂບກ” ມັນຄືເກີບຢາງສີດຳ ຄໍສູງໆແນ່ ລາຄາ 25000 ກີບ. ພາຍໃຕ້ເກີບໂບກຂະຫນາດໃຫຍ່ກວ່າຕີນຫນ້ອຍຫນຶ່ງ ພາຂ້ອຍໄປທຸກໆພຶ້ນທີ່ ທີ່ຕ້ອງການໂດຍທີ່ບໍ່ຫ່ວງວ່າຈະຫລົ່ມ ຫລືຕີນຈະເປື້ອນ ພໍສີ້ນສຸດການສຳຫລວດ ເກີບໂບກສີດຳ ໃນຂະນະນີ້ ເຕັມໄປດ້ວຍສີດິນແລະຂີ້ຕົມ. ນັ່ງແນມເບິ່ງມັນ ແລະຂອບໃຈວ່າ ຖ້າບໍ່ມີມັນ ການມາສຳຫລວດເທື່ອນີ້ຄືຊິເສຍຖ້ຽວ.. ແຕ່ດ້ວຍຕົວຊ່ວຍທີ່ມະນຸດປະດິດຂຶ້ນ ການລຸຍຂີ້ຕົມມັນຈະບໍ່ເປັນເລື່ອງຍາກອີກຕໍ່ໄປ ເຮົາປຽບທຽບກັບຊີວິດເຮົາ ຫລາຍຄັ້ງເຮົາຄິດວ່າ ເຮົາຕ້ອງຫາສິ່ງທີ່ດີທີ່ສຸດໃຫ້ໂຕເອງ ແລະຫລາຍໆຄັ້ງເຮົາເລືອກເອົາສີ່ງທີ່ດີທີ່ສຸດຂອງຄົນອື່ນມາເປັນໂຕຕັ້ງ […]

Read More