EVENTS ເດືອນມັງກອນ 2018 ທີ່ທ່ານບໍ່ຄວນພາດ

ມີງານອີເວັ້ນຫຍັງຫນ້າສົນໃຈເປັນຕາໄປຮ່ວມໃນເດືອນທຳອິດຂອງປີ2018

ກ້າວເຂົ້າສູ່ປີໃຫມ່ ເດືອນມັງກອນອາດຈະເປັນເດືອນແຫ່ງການເລີ່ມຕົ້ນໃຫມ່ຂອງຫລາຍໆຄົນ ຄືຈະດີ ຖ້າຫາກເດືອນແຫ່ງການເລີ່ມຕົ້ນໃຫມ່ ເຮົາສາມາດຊອກຫາແຮງບັນດານໃຈຈາກງານສັງຄົມຕ່າງໆ

ແລະງານທີ່ລາຍນ໌ຈະແນະນຳໃຫ້ໄປຫອບແຮງບັນດານໃຈ ຫລືຄວາມບັນເທີງກັບບ້ານ ໃນເດືອນນີ້ນັ້ນ ມີຫລາກຫລາຍງານດັ່ງນີ້

ງານທີ 1 : ງານ ART LINK

Event  ຂອງຄົນມັກເສບງານສິລະປະ ໂດຍງານນີ້ມີການວາງສະແດງຜົນງານສິລະປະຈາກອິນໂດນີເຊຍ ຮ່ວມກັບສິລປິນ ລາວ ເຊັ່ນ ບຸນໂປນ ໂພທິສານ, ໂອເລ ສະໂກວິວ, ໂສມທິດາ

ງານເລີ່ມຕັ້ງແຕ່ ວັນທີ 8-15 ນີ້ ທີ່ ICAT ນະຄອນຫລວງວຽງຈັນ

ງານທີ2: ງານບຸນປີໃຫມ່ຍີ່ປຸ່ນ

ງານທີ່ ສາຍວັດທະນະທຳບໍ່ຄວນປ່ອຍຜ່ານ,​ ງານນີ້ຈັດຂຶ້ນທີ່ ສະຖາບັນ ລາວ-ຍີ່ປຸ່ນ ດົງໂດກ

ວັນທີ່ຈັດງານແມ່ນວັນທີ 13 ມັງກອນນີ້ ຈອງບັດໄດ້ທີ່ www.lji.edu.la

ງານທີ 3: ງານ EMERGING ART FAIR

ງານນີ້ຈັດຂຶ້ນທີ່ Stella ພາຍໃຕ້ແນວຄິດຢາກຮວມບັນດາຜູ້ທີ່ເຮັດວຽກກ່ຽວກັບ Creative Industry ໂດຍການສະໜັບສະໜູນຈາກອົງການ Unesco ງານນີ້ ທາງລາຍນ໌ກໍ່ຈະໄປຮ່ວມນຳ, ສາຍອາຣ໌ທແທ້ໆບໍ່ຄວາມພາດອີ່ຫລີ ມາພົບກັນໃນວັນທີ 19 ມັງກອນນີ້ເດີ້

ງານທີ 4: ງານ Lao Green tech contest By Hitachi

ທີ່ສູນບູໂດລາວ, ງານທີ່ຈະມາປະລອງການໃຊ້ນະວັດຕະກຳເພື່ອຫລຸດຜ່ອນພາວະໂລກຮ້ອນ ເຊີ່ງເປັນງານທີ່ເຫມາະກັບ ສານເຕັກໂນໂຊນີ ສາຍນະວັດຕະກຳ ການອອກແບບ ແລະສິ່ງແວດລ້ອມໂດຍແທ້.

ງານຈັດຂື້ນໃນວັນທີ 20 ມັງກອນນີ້  ຕັ້ງແຕ່ເວລາ 9 ໂມງເຊົ້າ ຈົນຮອດ 3 ໂມງຕອນບ່າຍ

ງານທີ 5: ງານເທດສະການອາຫານລາວ

ງານເທສການອາຫານລາວ ປະຈຳປີ 2018 ທີ່ສວນເຈົ້າອະນຸວົງ, ວັນທີ 24-27 ເຣົາຄິດວ່າເປັນງານທີ່ຄົນລາວ ບໍ່ຫນ້າຈະພາດ ເພາະເປັນງານທີ່ຮວບຮວມເອົາ ອາຫານລາວຈາກທົ່ວທຸກທິດມາໄວ້ໃນງານນີ້ ສາຍກິນ ສາຍຊີມນີ້ ຍິ່ງບໍຄວນພາດ

ແລະທັງ 5ງານນີ້ ກໍ່ເປັນງານທີ່ຫນ້າສົນໃຈ ທີ່ລາຍນ໌ໄດ້ຄັດສັນມາແລ້ວ ຫວັງວ່າຈະຖືກໃຈນັກອອກງານ ແລະຕອບໂຈດການຫາແຮງບັນດານໃຈໃນເດືອນແຫ່ງການເລີ່ມຕົ້ນໃຫມ່ນີ້ໄດ້ບໍ່ຫລາຍກໍ່ນ້ອຍ

Enjoy!