ຄືນນີ້ມີແຕ່… ດາວ :: The Starry Night by Dao Coffee

ວັນທີ 8 ສິງຫາ 2018 ທີ່ຜ່ານມານີ້ ກຸ່ມບໍລິສັດ ດາວເຮືອງ ຈໍາກັດ ໄດ້ຈັດງານສຸດພິເສດທີ່ເອີ້ນວ່າ “ຄືນນີ້ມີແຕ່ດາວ” ເຊິ່ງຈັດຂຶ້ນເພື່ອຂອບໃຈຕົວແທນຈຳໜ່າຍ ກາເຟດາວ ຈາກທົ່ວປະເທດໄທ ຊຶ່ງທຸກຄົນ ຢູ່ໃນລະດັບ “ດາວ” ໃນວົງການ ຜູ້ບໍລິໂພກຜະລິດຕະພັນ ທີ່ຈະມາຮ່ວມ “ຈັບມືໄວ້ແລ້ວໄປນໍາກັນ” ກັບກຸ່ມບໍລິສັດ ດາວເຮືອງ ແລະ ບໍລິສັດ ເພນ ມາເກັດຕິງ ແອນ ດິສທຣີບິວຊັນ ຈຳກັດ (PENS Marketing and distributions Co., Ltd)

ໂດຍພາຍໃນງານ ໄດ້ມີການນຳເລື່ອງລາວ ການເດີນທາງ ຈາກດິນສູ່ດາວ ຂອງຄອບຄົວ “ລິດດັງ” ມາຖ່າຍທອດ ຜ່ານລະຄອນເພງ ເລື່ອງ  “ຊີວິດລິຂິດເອງ” ຊຶ່ງເປັນບົດເພງ ຂອງຊຸບເປີສະຕາ ເມືອງໄທ  “ເບີດ ທົງໄຊ ແມັກອິນໄຕ” ເພື່ອໃຫ້ທຸກຄົນໄດ້ຮັບແຮງບັນດານໃຈ ໃນການຕໍ່ສູ້ຊີວິດ.

“ຊີວິດລິຂິດເອງ” ແມ່ນລະຄອນເພງທີ່ສ້າງຂຶ້ນ ຈາກເລື່ອງຈິງ ເລົ່າເລື່ອງລາວການຕໍ່ສູ້ ຂອງຄອບຄົວລິດດັງ ທີ່ມຸ່ງໝັ້ນ ເດີນໜ້າ ສ້າງທຸລະກິດຂອງຕົນເອງ ໂດຍບໍ່ຍອມໃຫ້ໂຊກຊາຕາ ເປັນຕົວກຳໜົດ ໂດຍລຽງຮ້ອຍເລື່ອງລາວ ຜ່ານບົດເພງຕ່າງໆ ໂດຍມີບົດເພງ ຂອງ ເບີດ ທົງໄຊ ເປັນເພງນຳໃນຮູບແບບ ຂອງລະຄອນເພງ ໂດຍມີ ດາລານັກສະແດງທີ່ມີຊື່ສຽງໂດ່ງດັງຂອງປະເທດໄທມາສະແດງຖ່າຍທອດເລື່ອງລາວຊຶ່ງຜູ້ຊົມຈະໄດ້ຮ່ວມຄົ້ນພົບ ເລື່ອງຈິງ ທີ່ເປັນພະລັງຊີວິດພະລັງຄວາມຮັກແລະຄວາມສຳເລັດ ຂອງຄອບຄົວລິດດັງ.

ແລະ ງານນີ້ຍັງໄດ້ນໍາສະເຫນີການທີ່ ກາເຟດາວ ໄດ້ຮັບການຮັບຮອງຈາກລັດຖະບານວ່າເປັນຜະລິຕະພັນທີ່ໄດ້ຮັບ ກາບົ່ງຊີ້ທາງພູມສາດ GI (Geographical Indication)ໃຫ້ທຸກຄົນໄດ້ພາກພູມໃຈກັນຢ່າງທົ່ວຫນ້າ.

ສໍາລັບ ເບີດ ທົງໄຊ ແມັກອິນໄຕ ໄດ້ໄປຮ່ວມໃນຊ່ວງທ້າຍຂອງງານ ໂດຍມອບເພງ “ຈັບມືໄວ້ແລ້ວໄປດ້ວຍກັນ”  ແລະເພງ “ເລົ່າສູ່ກັນຟັງ” ຮ່ວມກັບ ຫຍິ໋ງ – ຣະຖາ ນັກສະແດງ ແລະຜູ້ຮ່ວມງານທຸກຄົນ ເພື່ອສົ່ງກຳລັງໃຈໃຫ້ກັບຜູ້ປະສົບໄພ ແລະ ທຸກຄົນ ທີ່ກຳລັງຕ້ອງການພະລັງ ໃນການຕໍ່ສູ້ຊີວິດ ຍິ່ງເຮັດໃຫ້ ຄືນນີ້ມີແຕ່ດາວ ເປັນຄືນທີ່ມີຄວາມຫມາຍຄວາມປະທັບໃຈໃນຈິດໃຈຂອງຫມົດທຸກຄົນ.