ຕອນທີ 2 ສະເໜ່ຂອງຈຳປາສັກ : Unseen Journeys EP.02 Charm of Champasak

ບົດຄວາມໂດຍ ກໍລະເກດ

ອ້າງອີງຈາກ: Lonely Planet


#UnseenJourneys

ຕອນທີ 2 ສະເໜ່ຂອງຈຳປາສັກ

“ເໝືອນວ່າດັ່ງເປັນບຸນ ແລະ ວາດສະໜາ

ທີ່ຊ່ວຍນຳຊັກພາ ອ້າຍມາປາກເຊ….”

ເນື້ອເພງທ່ອນໜຶ່ງຂອງບົດປະພັນອຳມະຕະທີ່ອອນຊອນ ແລະ ຟັງງ່າຍຊວນໃຫ້ຄົນທຸກລຸ້ນຮ້ອງຕາມ. ນັ້ນຄືສະເໜ່ຢ່າງໜຶ່ງຂອງສິລະປະພາກໃຕ້ ສອດຄ່ອງກັບສະຖານທີ່ທ່ອງທ່ຽວທີ່ເຮົາຈະຍົກຂື້ນມານຳສະເໜີໃນມື້ນີ້ ທີ່ຈະເຮັດໃຫ້ທ່ານຫຼົງຮັກບໍ່ຕ່າງຫຍັງກັບບົດເພງໃນທີ່ໄດ້ຮ້ອງໄປກ່ອນໜ້ານີ້

ວັດທີ່ຕັ້ງຢູ່ເທິງພູກ້າວຢ່າງສະຫງ່າຜ່າເຜີຍ ໃຜເຊີຍຊົມກໍຕ້ອງງຶດງໍ້ກັບສະຖາປັດຕະຍະກຳທີ່ໄດ້ຮັບອິດທິພົນຈາກສາສະໜາຮິນດູ. ຫາກໄດ້ກ້າວຂາເຂົ້າໄປແລ້ວຈະປະທັບໃຈໃນພູມປັນຍາຂອງຄົນບູຮານ.

vat-phou-temple

wat-phou-temple-and-landscape-1

ຮູບຈາກ laotourism.org

ວັດພູຖືກສ້າງຂຶ້ນໃນສະຕະວັດທີ 5 ໂດຍເປັນສະຖານທີ່ສັກກະລະບູຊາແກ່ເທພະເຈົ້າສີວະ (Shiva) ຕາມຄວາມເຊື່ຶອຊາວຮິນດູ. ການເວລາຜ່ານໄປຄວາມເຊື່ອຂອງຄົນກໍປ່ຽນໄປເຊັ່ນກັນ. ຕົກມາໃນສະຕະວັດທີ 13 ວັດພູຈຳປາສັກໄດ້ກາຍເປັນສະຖານທີ່ສັກສິດຂອງຊາວພຸດພາຍຫຼັງທີ່ອານາຈັກລາວລ້ານຊ້າງປົກຄອງພື້ນທີ່ນີ້

ຈຸດປ່ຽນສຳຄັນທີ່ເຮັດໃຫ້ວັດພູມີຊື່ສຽງໂດ່ງດັງໄປທົ່ວໂລກແມ່ນການຖືກຍອມຮັບໃນຖານະມໍລະດົກໂລກໂດຍອົງການ UNESCO ໃນປີ 2001 ເປັນແຫ່ງທີ່ 2 ຂອງ ສປປ ລາວ

ວັດພູເປັນສ່ວນສຳຄັນທີ່ຊ່ວຍຂັບເຄື່ອນເສດຖະກິດຂອງແຂວງຈຳປາສັກ ສັງເກດໄດ້ຈາກຈຳນວນເຮືອນພັກ ແລະ ໂຮງແຮມທີ່ເພີ່ມຂຶ້ນ ເພື່ອຕອບສະໜອງໃຫ້ຈຳນວນນັກທ່ອງທ່ຽວທີ່ເພີ່ມຂຶ້ນ ເຊັ່ນໃນປີ 2015 ນັກທ່ອງທ່ຽວເຂົ້າມາແຂວງຈຳປາສັກກ່ວາ 600.000 ຄົນເປັນອັນດັບທີ 3 ຂອງປະເທດ

Wat-Phou-6

ຮູບຈາກ www.doopedia.com

ໂຄງສ້າງ

ໂຄງສ້າງຂອງວັດພູແບ່ງອອກເປັນ3ພາກສ່ວນຄື:

  1. ຜາສາດຊັ້ນລຸ່ມ

ເປັນທີ່ຕັ້ງຂອງຊາກບາລາຍ (ບໍ່ນໍ້າ) 2 ແຫ່ງ  ສ້າງຂຶ້ນໃນສະໄໝເຈົ້າບຸນອຸ້ມໃນປີ 1960 ເໝືອນກັບຜາສາດພະນະຄອນທຸກແຫ່ງ ກ່ອນຂື້ນໄປບູຊາເທວະສະຖານຕ້ອງໄດ້ຊໍາລະຮ່າງກາຍ. ພື້ນທີ່ນີ້ເປັນມຸມສຳລັບນັກທ່ອງໄປຖ່າຍຮູບ ແລະ ເປັນພາບປະຊາສຳພັນຂອງປາສາດຫີນວັດພູແຫ່ງນີ້

  1. ຜາສາດຊັ້ນກາງ

ດ້ານໜ້າຂອງໂຄປຸລະຊັ້ນກາງ ມີຮູບແກະສະຫລັກເທວະຮູບຖືກະບອງ  ສະທ້ອນຄວາມເຊື່ອທາງຮິນດູ ເບິ່ງທີ່ມີອິດທິພົນຕໍ່ພຸດທະສາດສະຫນາ ຂອງລາວ ຍ່າງຂຶ້ນຂັ້ນໄດສູງຊັນແຄບໆ ຕ້ອງໃຊ້ມື ແລະ ຕີນປີນ (ທໍລະຫົດເຕີບ) ຕາມຄວາມເຊື່ອຂອງຂອມ ທີ່ຕ້ອງການສະແດງໃຫ້ຜູ້ໄປນະມັດການສະແດງຄວາມເຄົາລົບ ໂດຍການໝອບຄານຂຶ້ນໄປ ສັກກາລະສິ່ງສັກສິດ, ສອງຂ້າງທາງເຕັມໄປດ້ວຍຕົ້ນຈຳປາ ຊຶ່ງເປັນດອກໄມ້ປະຈຳຊາດລາວ

  1. ຜາສາດຊັ້ນເທິງ

ເມື່ອຜ່ານທະວານບານເຖິງໂຄປຸລະຊັ້ນໃນ ທາງຂຶ້ນມີເທວະຮູບຕັ້ງຢູ່ ຍ່າງຂຶ້ນຖານຫີນຄ້າຍກຳແພງ 7 ຊັ້ນ ທີ່ມີຄວາມຫມາຍເຖິງສະຫວັນທັງ 7ຊັ້ນ. ຈົນເຖິງປາສາດປະທານສ່ວນເທິງສຸດ ລັກສະນະພາຍນອກຂອງປາສາດເກົ່າແກ່, ສ່ວນໜ້າ ແລະ ສ່ວນຍອດພັງທະລາຍລົງມາ ມີຫລັງຄາສັງກະສີມຸງແທນ ສ່ວນທີ່ຍັງມີຄວາມສົມບູນຄື ທັບຫລັງ ແກະສະຫລັກເປັນຮູບພະອິນ ຊົງຊ້າງເອລາວັນ 3 ສຽນ ດ້ານຂ້າງເປັນຮູບກິນນະລີ ແລະພະວິລຸນປະທັບພະຍາຄຸດ ວິຈິດສວຍງາມ ຕາມເສົາປະດັບກອບປະຕູທັງ 2 ຂ້າງມີຮູບແກະສະຫລັກຂອງທ້າວົດຕຸໂລກບານ ເຫມືອນດັ່ງຍືນພິທັກປິ່ນປົວປາສາດ ແລະ ຮູບແກະສະຫລັກນາງອັບສາ ທີ່ກອບທາງດ້ານຕະເວັນອອກ ບໍລິເວນປ່ອງຢ້ຽມແກະສະຫລັກເປັນລູກໝາກວົດ ດ້ານໃນຂອງຜາສາດປະດິດສະຖານພະພຸດທະຮູບສຳລິດຂະໜາດໃຫຍ່ ມີໂຕະໝູ່ບູຊາແບບຊາວພຸດ ຕັ້ງຢູ່ດ້ານໜ້າ ສ່ວນດ້ານນອກມີກຸ່ມເຈດີນ້ອຍໆ ສະຫລັກເປັນຮູບເເຂ້ ແລະ ຊ້າງຕາມຕຳນານມູຣະຕິ.

8d409749e2427a0585020c6bf55f7d04

ຮູບຈາກ allevents.in

VatPhou-candle

ຮູບຈາກ www.laosdaytour.com

ສະຫຼອງ4

ສະຫຼອງ3

ຮູບຈາກ Adul Tanthakosai www.asiarevealtour.com

ດ້ວຍຄວາມເຫຼື້ອມໃສຂອງປະຊາຊົນທີ່ມີຕໍ່ວັດພູ ບຸນນະມັດສະການຜາສາດຫີນວັດພູຈຳປາສັກຈຶ່ງໄດ້ຈັດຂື້ນທຸກປີ ທີ່ໂດດເດັ່ນກ່ວາໝູ່ຄືສິບໍ່ພົ້ນການສະແດງສິລະປະວັນນະຄະດີ ແລະ  ຂະບວນແຫ່ທີ່ເປັນເອກະລັກຂອງທັງ 9 ຕົວເມືອງ
ສະຫຼອງ2

ຮູບຈາກ www.eventcarnival.com

12733505_759447834186236_3069816951393588715_n

ສະຫຼອງ1

ຮູບຈາກ laopost.com

ສຸດທ້າຍນີ້ ຫວັງວ່າທຸກຄົນທີ່ຕິດຕາມບົດຄວາມການທ່ອງທ່ຽວຕອນທີ 2 ຈະໄດ້ຮັບຮູ້ເຖິງຄຸນຄ່າຂອງສະຖານທີ່ທ່ອງທ່ຽວທາງປະຫວັດສາດ ແລະ ວັດທະນະທຳ ແຫ່ງນີ້. ດັ່ງທີ່ກ່າວໄປກ່ອນນີ້ ວັດພູໄດ້ເຮັດໜ້າທີ່ເປັນລຳໂພງທີ່ສ້າງຊື່ສຽງໃຫ້ປະເທດລາວ ດ້ວຍການຍອມນັບຈາກ UNESCO ແຕ່ກໍຕ້ອງໃຊ້ເວລາກ່ວາ 20 ປີ ກ່ອນຈະໄດ້ຜ່ານການພິຈາລະນາໂດຍອີງຕາມຫຼັກເກນຂອງອົງການ. ຖ້າທ່ານຫຼົງຮັກໃນສະເໜ່ຂອງພາກໃຕ້ ຈົ່ງຕິດຕາມຕອນທີ3 ຕາດໃນແດນໃຕ້

ຢ້ອນກັບອ່ານ ຕອນທີ 1 ອັດຕະປື ສາມຕໍານານໃນແດນສັກສິດ ໄດ້ທີ່ https://linesmagazinelao.com/unseenjourneys-ep01/